جەر مەن ينفراقۇرىلىم ماسەلەسىندە اكىمدەردىڭ اقتالاتىن رەتى جوق – پرەزيدەنت
28 قىركۇيەك, 19:08

جەر مەن ينفراقۇرىلىم ماسەلەسىندە اكىمدەردىڭ اقتالاتىن رەتى جوق – پرەزيدەنت

استانا. قازاقپارات - 2023 -جىلى قۇرىلىسى باستالاتىن مەكتەپتەر ءۇشىن جەر ۋچاسكەلەرىن ءبولۋ جانە ينفراقۇرىلىمعا قوسۋ جونىندەگى بارلىق ماسەلە ءبىر اي ىشىندە شەشىلۋى ءتيىس.

پرەزيدەنت قاسىم- جومارت توقايەۆ رەفورمالار جونىندەگى جوعارى كەڭەستىڭ كەزەكتى وتىرىسىندا وسىنداي مىندەت جۇكتەدى، دەپ حابارلايدى قازاقپارات اقورداعا سىلتەمە جاساپ.

«اكىمدەر جىل سوڭىنا دەيىن جەر، ينفراقۇرىلىم جونىندەگى بارلىق ماسەلەنى شەشۋى قاجەت. مۇندا ەش اقتالۋدىڭ رەتى جوق. سوندىقتان، اتالعان جۇمىستىڭ ورىندالۋىنا اكىمدەردى تىكەلەي جاۋاپتى ەتىپ بەكىتۋ جونىندەگى ۇكىمەتتىڭ ۇسىنىسىن قولدايمىن.

قۇرىلىسى 2023 -جىلى باستالۋعا ءتيىس مەكتەپتەر ءۇشىن جەر ۋچاسكەلەرىن ءبولۋ جانە ينفراقۇرىلىمعا قوسۋ جونىندەگى بارلىق ماسەلە ءبىر اي ىشىندە شەشىلۋگە ءتيىس. قالعاندارى جىل سوڭىنا دەيىن»، - دەدى مەملەكەت باسشىسى.


جاڭالىقتار