ماڭعىستاۋ وبلىسىندا جالعان ديپلوممەن جۇمىس ىستەپ جۇرگەن مۇعالىمدەر انىقتالدى
28 قىركۇيەك, 21:04

ماڭعىستاۋ وبلىسىندا جالعان ديپلوممەن جۇمىس ىستەپ جۇرگەن مۇعالىمدەر انىقتالدى

اقتاۋ. قازاقپارات - ماڭعىستاۋ وبلىسىندا 9 مۇعالىم مەكتەپ وقۋشىلارىن جالعان ديپلومدارمەن وقىتقان. بۇل تۋرالى وبلىستىق پروكۋراتۋرانىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

«ماسەلەن، اققۇدىق ورتا مەكتەبىنىڭ ەڭبەككە باۋلۋ مۇعالىمى جالعان ديپلوممەن جۇمىس جاساعانى ءۇشىن قازاقستان رەسرۋبليكاسى قىلمىستىق كودەكسىنىڭ 385-بابى 3-بولىگى بويىنشا جاۋاپقا تارتىلدى. قاراقيا اۋداندىق سوتىنىڭ شەشىمى بويىنشا مۇعالىمگە جازا تۇرىندە 25 ايلىق ەسەپتىك كورسەتكىش مولشەرىندە ايىپپۇل سالىندى»، - دەلىنگەن باسپا ءسوز مالىمەتىندە.

سونداي- اق اقتاۋ قالاسىنىڭ 2 مەكتەبىندە قازاق ءتىلى مەن ادەبيەتى ءپانى مۇعالىمىنىڭ، جاڭاوزەندەگى 3 مەكتەپتە ورىس ءتىلى مەن باستاۋىش سىنىپ مۇعالىمدەرىنىڭ، مۇنايلى جانە بەينەۋ اۋداندارىندا باستاۋىش سىنىپ مۇعالىمدەرىنىڭ جالعان ديپلوممەن ساباق بەرگەنى انىقتالعان.

اتالعان فاكتىلەر بويىنشا تەرگەۋ جۇمىستارى جۇرگىزىلىپ جاتىر.

جاڭالىقتار