تاۋەلسىزدىك كۇنى ءبىر- اق كۇن دەمالىس بەرىلەدى – مينيسترلىك
28 قىركۇيەك, 20:46

تاۋەلسىزدىك كۇنى ءبىر- اق كۇن دەمالىس بەرىلەدى – مينيسترلىك

استانا. قازاقپارات – ق ر ەڭبەك جانە حالىقتى الەۋمەتتىك قورعاۋ مينيسترلىگى 16 -جەلتوقسان - تاۋەلسىزدىك مەرەكەسىنە نەشە كۇن دەمالىس بەرىلەتىنىنە قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

«بيىل 16-جەلتوقسان اپتانىڭ جۇما كۇنىنە ءتۇسىپ تۇر. سوندىقتان، ءبىر كۇن دەمالىس بەرىلەدى، ءارى قاراي سەنبى- جەكسەنبى كۇندەرى ادەتتەگى دەمالىس بولادى. ەشقانداي دەمالىس كۇندەرى اۋىستىرىلمايدى»، - دەپ جاۋاپ بەردى مينيسترلىكتىڭ باسپا ءسوز قىزمەتى اگەنتتىك ساۋالىنا.

بۇعان دەيىن 25-قازان - رەسپۋبليكا كۇنىنە وراي قازاقستاندىقتار 3 كۇن قاتارىنان دەمالادى دەپ حابارلانعان بولاتىن. وندا دەمالىس كۇنىن 22-قازان سەنبىدەن 24 -قازان دۇيسەنبىگە اۋىستىرۋ جوسپارلانۋدا. وسىلايشا، قازاقستاندىقتار 23-25-قازان كۇندەرى دەمالادى.

«بۇل ازىرگە قاۋلى جوباسى عانا، ءالى ەشنارسە ناقتىلانباعان. بۇل قۇجات اشىق ۇكىمەت سايتىندا 10 كۇن بولۋى كەرەك، 10 كۇننەن كەيىن كۇشىنە ەنەدى. ازىرگە، پرەمەر- مينيستر بۇل قۇجاتقا قول قويعان جوق»، - دەيدى مينيسترلىكتىڭ باسپا ءسوز قىزمەتى.

جاڭالىقتار