بيۋللەتەندەگى «بارىنە قارسىمىن» باعانى سايلاۋ ناتيجەسىنە اسەر ەتپەيدى - مينيستر
28 قىركۇيەك, 19:50

بيۋللەتەندەگى «بارىنە قارسىمىن» باعانى سايلاۋ ناتيجەسىنە اسەر ەتپەيدى - مينيستر

استانا. قازاقپارات - پرەزيدەنت سايلاۋى بيۋللەتەنىندەگى «بارىنە قارسىمىن» باعانى حالىقتىڭ قاتىسۋىن ەسەپتەگەندە عانا ەسكەرىلەدى.

بۇل تۋرالى ق ر ادىلەت ءمينيسترى قانات مۋسين ايتتى، دەپ حابارلايدى قازاقپارات ءتىلشىسى.

«داۋىس بەرۋ كەزىندە كەز كەلگەن قازاقستاندىق ءوز كوزقاراسىنا بايلانىستى بارلىعىنا قارسى داۋىس بەرە الادى. ول سايلاۋعا قاتىساتىن بارلىق كانديداتتارعا قارسى داۋىس بەرەدى، ونىڭ داۋىسى ەش جەردە ەسەپتەلمەيدى. «بارىنە قارسىمىن» باعاناسى حالىقتىڭ سايلاۋعا قاتىسۋىن ەسەپتەگەندە عانا ەسكەرىلەدى»، - دەپ جاۋاپ بەردى مينيستر تىلشىلەر سۇراعىنا ءماجىلىس كۋلۋارىندا.

ونىڭ ايتۋىنشا، «بارىنە قارسىمىن» باعانى سايلاۋ ناتيجەسىنە ەش اسەر ەتپەيدى. وندا بەلگىلى ءبىر ۇمىتكەرگە بەرىلگەن داۋىستار عانا سانالادى.

«قازاقستاندىقتاردىڭ سايلاۋدا ءوز پىكىرىن بىلدىرە الۋى سايلاۋعا قاتىسۋ قۇقىعىنىڭ جۇزەگە اساتىنىن كورسەتەدى. مۇنان ەش قايشىلىق كورىپ تۇرعان جوق. ەشكىم ۇمىتكەرلەردى كۇشتەپ تاڭبايدى. سايلاۋدى وتكىزۋدىڭ باستى ماقساتى - ازاماتتارعا ءوز پىكىرىن ءبىلدىرۋ قۇقىعىن بەرۋ. «بارىنە قارسىمىن» داۋىسى دا پىكىر بولىپ سانالادى»، - دەدى قانات مۋسين.

بۇعان دەيىن دە ورتالىق سايلاۋ كوميسسياسى ق ر پەزيدەنتى سايلاۋى بيۋللەتەنىندە بولاتىن بارلىق كانديداتقا قارسى داۋىس بەرۋ مۇمكىندىگىن تۇسىندىرگەن ەدى.


جاڭالىقتار