مامان قانات يسلامنىڭ جاڭا باس باپكەرى تۋرالى ويىن ايتتى
28 قىركۇيەك, 20:39

مامان قانات يسلامنىڭ جاڭا باس باپكەرى تۋرالى ويىن ايتتى

استانا. قازاقپارات - MMA Sport پورتالىنىڭ شولۋشىسى بەن سميت Vesti.kz تىلشىسىنە بەرگەن سۇقباتىندا 38 جاستاعى قازاقستاندىق كاسىپقوي بوكسشى قانات يسلامنىڭ (28-1، 22 KO) شارشى الاڭعا ورالۋى تۋرالى پىكىر ءبىلدىردى.

اڭگىمە بارىسىندا سميت وتانداسىمىزدىڭ باس باپكەرىنە دە توقتالدى.

ەسكە سالايىق، كەشە يسلامنىڭ باپكەرى رودجەر رومو قازاقستاندىق بوكسشى شارشى الاڭعا 8- قازان كۇنى قايتا ورالاتىنىن ايتقان بولاتىن.

«قانات يسلام جاس بوكسشى ەمەس. ونىڭ ۇستىنە ول جاراقات كوپ الادى. كەلليدەن جەڭىلىس كۇماندى دەۋگە كەلەدى. ءبىراق ول ايقاستا يسلام كەرەمەت بوكس كورسەتپەدى. چەمپيوندىق بەلبەۋگە ءۇمىتى بار بوكسشىلار مۇنداي قارسىلاستى وڭاي جەڭۋى كەرەك. ەندى وعان جاڭا باس باپكەرمەن دايىندىق كومەكتەسەتىن شىعار. دەگەنمەن مەن بۇعان قاتتى سەنبەيمىن. مۇنداي جاسقا كەلگەندە كارەرانى وزگەرتۋ قيىن. مەنىڭ ويىمشا، ول ەندى ارى كەتسە ءبىر چەمپيونعا قارسىلاس بولادى. سودان اقشا تاۋىپ، كارەراسىن اياقتايدى»، - دەدى سميت.

ەسكە سالايىق، اقپان ايىندا قانات يسلام پلانت-سيتي (فلوريدا شتاتى، ا ق ش) قالاسىندا ۇلى بريتانيالىق دجيممي كەلليدەن (26-2، 10 ك و) تورەشىلەر شىعارعان 95-95، 96-94، 97-93 ەسەبىمەن جەڭىلگەن ەدى.

جاڭالىقتار