تۇماۋعا قارسى ۆاكسينانى كىمدەر تەگىن الا الادى
«19- قىركۇيەكتە تۇماۋ مەن جرۆي بويىنشا سانيتاريالىق-پروفيلاكتيكالىق، سانيتاريالىق-ەپيدەمياعا قارسى ءىس-شارالاردى جۇرگىزۋ تۋرالى قاۋلىعا قول قويدىم. قاۋلىعا سايكەس مەديتسينالىق ۇيىمدار 3- قازاننان باستاپ تۇماۋعا قارسى يممۋنداۋ جۇمىسىن باستاۋى ءتيىس. ونىڭ ىشىندە تۇماۋ جانە جرۆيمەن اۋىراتىن ناۋقاستاردى قابىلداۋعا دايىندىعى پىسىقتالىپ، زەرتحانالاردىڭ زەرتتەۋ جۇرگىزۋگە دايىندىعى قامتاماسىز ەتىلدى»، - دەدى دەنساۋلىق ساقتاۋ ۆيتسە-ءمينيسترى ايجان ەسماعامبەتوۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سونداي-اق، ۆيتسە-مينيستر تۇماۋعا قارسى ۆاكسينا الۋ پروتسەسىنە قاتىستى تۇسىنىك بەردى.
«تۇماۋعا قارىسى ۆاكسينانى مەملەكەت ەسەبىنەن، ياعني تەگىن حالىقتىڭ اناعۇرلىم وسال توپتارى الاتىنىن ەسكەرتكىم كەلەدى. سونىمەن قاتار، ۆاكسيناتسيالاۋ جۇمىس بەرۋشىلەردىڭ قاراجاتى مەن حالىقتىڭ جەكە قاراجاتى ەسەبىنەن جۇرەدى. ۆاكسيناتسيا جەكە ورتالىقتار مەن تۇرعىلىقتى جەرى بويىنشا ەمحانالاردا جۇرگىزىلەدى. تۇماۋعا قارسى ۆاكسيناتسيا جۇرگىزەتىن مەديتسينالىق مەكەمەلەردىڭ مەكەنجايىن ايماقتىق سانيتاريالىق-ەپيدەميولوگيالىق باقىلاۋ دەپارتامەنتتەرىنەن جانە دەنساۋلىق ساقتاۋ باسقارمالارىنان بىلۋگە بولادى»، - دەيدى ول.