استانادا ش ق و جانە اباي وبلىستارىنىڭ اۋىلشارۋاشىلىق جارمەڭكەسى وتەدى
قالا اكىمدىگىنىڭ رەسمي سايتىندا ءمالىم ەتىلگەندەي، ەلوردا تۇرعىندارى مەن قوناقتارىنا جوعارى ساپالى ەكولوگيالىق تازا ونىمدەر ۇسىنىلاتىن بولادى. ءونىم اسسورتيمەنتىنىڭ جالپى كولەمى 282 توننانى قۇرايتىن.
ونىڭ ىشىندە: 91 توننا كارتوپ پەن كوكونىس، 59,9 توننا بال، 48,8 توننا ەت، 17 توننا كۇنباعىس مايى، 13 توننا باقشا داقىلدارى، 8 توننا ءسۇت ونىمدەرى، 7,5 توننا بالىق ونىمدەرى، 5 توننا قۇس ەتى، 5 توننادان استام قىمىز بەن پانتى ونىمدەرى، 4 توننا ۇلتتىق تاعامدار جانە 3 توننا شۇجىق ونىمدەرى.
«بارلىق ونىمدەر سانيتارلىق- ەپيدەميولوگيالىق تالاپتارعا سايكەس كەلەدى جانە ساتۋشىلاردا ونىمدەردىڭ شىعۋ تەگىن، ساپاسى مەن قاۋىپسىزدىگىن راستايتىن قۇجاتتار بولادى»، - دەلىنگەن اكىمدىك حابارلاماسىندا.
ونىمدەر نارىق باعاسىنان %10-20 ارزانعا ساتىلادى.
ەسكە سالايىق، جارمەڭكەلەر ءار سەنبى- جەكسەنبىدە ءوتىپ كەلەدى جانە 30-قازانعا دەيىن جالعاسادى. وتەتىن ورنى: «استانا- ارەنا» ستاديونى جانىنداعى الاڭ.
كەلەسى ءونىمدى 8-9-قازان كۇندەرى سولتۇستىك قازاقستان جانە اقتوبە وبلىستارىنىڭ كاسىپكەرلەرى ۇسىنادى.