رەسەي قانداي جاعداي بولسا دا يادرولىق قارۋدى قولدانباۋى كەرەك -  ن ا ت و
28 قىركۇيەك, 22:04

رەسەي قانداي جاعداي بولسا دا يادرولىق قارۋدى قولدانباۋى كەرەك - ن ا ت و

استانا. قازاقپارات - ال ەگەر ونداي ارەكەتكە بارسا زاردابى وتە اۋىر بولادى. ن ا ت و ۇيىمىنىڭ باس حاتشىسى يەنس ستولتەنبەرگ وسىنداي ەسكەرتۋ جاسادى.

بۇل سوزدەرى دميتري مەدۆەديەۆتىڭ تۆيتتەردە جاريالاعان مالىمدەمەسىنە جاۋاپ بولدى. وندا رەسەي قاۋىپسىزدىك كەڭەسى ءتوراعاسىنىڭ ورىنباسارى ۋكراينادا يادرولىق قارۋ قولدانسا، ن ا ت و بۇعان ارالاسپايدى دەپ جازىلعان. ن ا ت و- عا مۇشە ەلدەردىڭ قارۋ- جاراق بويىنشا ۇلتتىق ديرەكتورلارىنىڭ شۇعىل وتكەن كەزدەسۋىندە ستولتەنبەرگ وداقتاستارىن قارۋ- جاراق قورلارىن مۇمكىندىگىنشە تەز تولتىرۋعا شاقىردى. ونىڭ ايتۋىنشا، بۇل شارالار ۋكراينانى قولداۋعا قاجەت بولۋى مۇمكىن.

يەنس ستولتەنبەرگ، ن ا ت و باس حاتشىسى:

- ەشقاشان يادرولىق قارۋدى قولدانۋعا بولمايدى، بۇل جانجالدىڭ سيپاتىن مۇلدەم وزگەرتەدى. رەسەي يادرولىق سوعىستا جەڭۋگە بولمايتىنىن جانە ول مۇمكىن ەمەس ەكەنىن بىلۋگە ءتيىس. يادرولىق قارۋ قولدانۋ مۇمكىندىگى جوعارى دەپ ايتىپ تۇرعان جوقپىن. ءبىراق رەسەي پرەزيدەنتى پۋتين قايتا- قايتا وسى تاقىرىپتى قوزعاپ وتىرعانىن كورىپ، بۇعان مۇقيات قاراۋىمىز كەرەك. سوندىقتان مۇنى اياقسىز قالدىرماي، رەسەيگە زاردابى اۋىر بولاتىنى جونىندە ناقتى بەلگى بەرىپ وتىرمىز.

www.24.kz

جاڭالىقتار