قاسىم- جومارت توقايەۆ ءبىرقاتار كومپانيا باسشىلارىمەن كەزدەستى

None
استانا. قازاقپارات - پرەزيدەنت قاسىم- جومارت توقايەۆ ءبىرقاتار IT كومپانيا باسشىلارىمەن كەزدەستى، دەپ حابارلايدى اقوردا.

مەملەكەت باسشىسى «Digital BridgE « حالىقارالىق تەحنولوگيالىق فورۋمى اياسىندا حالىقارالىق IT كومپانيالاردىڭ باسشىلارىمەن ءبىرقاتار كەزدەسۋ وتكىزدى.

قاسىم- جومارت توقايەۆ پەن Samsung Electronics كومپانياسىنىڭ كورپوراتيۆتى پرەزيدەنتى ين يونگ ري IT مامانداردى دايارلاۋ، بىرلەسكەن عىلىمي- زەرتتەۋ جۇمىستارىن جۇرگىزۋ جانە عىلىم سالاسىندا ىنتىماقتاستىق ورناتۋ مۇمكىندىكتەرىن قاراستىردى.

ارسەن تومسكي مەملەكەت باسشىسىنا قازاقستانداعى كولىك قىزمەتى سالاسىنداعى ەڭ تانىمال ءموبيلدى قوسىمشالاردىڭ ءبىرى InDriver- ءدىڭ قىزمەتىن دامىتۋدىڭ پەرسپەكتيۆالارى تۋرالى ايتتى. كومپانيا باسشىسىنىڭ ايتۋىنشا، استانا مەن الماتىدا ەكى كەڭسە اشىلعان. سونىمەن قاتار inDriver Astana Hub رەزيدەنتى اتاندى. ارسەن تومسكيي Spark سيفرلىق ۋنيۆەرسيتەتىن قۇرۋ جانە جاستاردى قولداۋعا باعىتتالعان ءبىرقاتار كوممەرتسيالىق ەمەس جوبانى جۇزەگە اسىرۋ جوسپارلارىن جەتكىزدى.

G42 كومپانياسىنىڭ ديرەكتورى مانسۋر يبراگيم ءال- مانسۋريمەن كەزدەسۋدە اقپاراتتىق تەحنولوگيالار مەن سيفرلىق قاۋىپسىزدىك سالاسىنداعى ىنتىماقتاستىقتى كەڭەيتۋگە باسا نازار اۋدارىلدى. قاسىم- جومارت توقايەۆ G42 جاساندى ينتەللەكت، cloud ينفراقۇرىلىمى جانە Big Data سالالارىندا بىرلەسكەن جوبالاردى جۇزەگە اسىرۋ جوسپارلارى تۋرالى مالىمەتتەر الدى. مەملەكەت باسشىسى جاساندى ينتەللەكت پەن IT سالاسىنداعى ادامي كاپيتالدى دامىتۋ ەلىمىز ءۇشىن ستراتەگيالىق ماڭىزى بار ماسەلە ەكەنىن اتاپ ءوتتى.

Bharti Enterprises جانە OneWeb قۇرىلتايشىسى ءارى ءتوراعاسى سۋنيل بارتي ميتتالمەن كەزدەسۋدە شالعاي ەلدى مەكەندەردى ينتەرنەتپەن قامتۋ ءۇشىن تومەن وربيتالى سپۋتنيكتەردى جانە جەرۇستى ستانتسيالار جەلىسىن پايدالانۋ ماسەلەلەرى تالقىلاندى.

سوڭعى جاڭالىقتار