ق ر پرەزيدەنتى: جاساندى ينتەللەكتىنى دامىتۋ - ەلىمىز ءۇشىن ستراتەگيالىق ماڭىزى بار ماسەلە

استانا. قازاقپارات - G42 كومپانياسىنىڭ ديرەكتورى مانسۋر يبراگيم ءال- مانسۋريمەن كەزدەسۋدە اقپاراتتىق تەحنولوگيالار مەن سيفرلىق قاۋىپسىزدىك سالاسىنداعى ىنتىماقتاستىقتى كەڭەيتۋگە باسا نازار اۋدارىلدى، دەپ حابارلايدى قازاقپارات اقورداعا سىلتەمە جاساپ.

قاسىم- جومارت توقايەۆ G42 جاساندى ينتەللەكت، cloud ينفراقۇرىلىمى جانە Big Data سالالارىندا بىرلەسكەن جوبالاردى جۇزەگە اسىرۋ جوسپارلارى تۋرالى مالىمەتتەر الدى. مەملەكەت باسشىسى جاساندى ينتەللەكت پەن IT سالاسىنداعى ادامي كاپيتالدى دامىتۋ ەلىمىز ءۇشىن ستراتەگيالىق ماڭىزى بار ماسەلە ەكەنىن اتاپ ءوتتى.