قازاقستان جاڭا تەحنولوگيالار سالاسىندا جەتەكشى ويىنشىعا اينالۋعا نيەتتى - پرەزيدەنت

استانا. قازاقپارات - قازاقستان جاڭا تەحنولوگيالار سالاسىندا جەتەكشى ويىنشىعا اينالۋعا نيەتتى. بۇل تۋرالى مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«قازاقستان جاڭا تەحنولوگيالار، كريپتوەكوجۇيە، سونىمەن قاتار رەتتەلەتىن جانە اشىق تسيفرلىق ماينينگ سالالارىنداعى جەتەكشى ويىنشىعا اينالۋعا نيەتتى»، - دەدى ق ر پرەزيدەنتى «Digital Bridge 2022» حالىقارالىق تەحنولوگيالىق فورۋمى بارىسىندا.

مەملەكەت باسشىسى «استانا» حالىقارالىق قارجى ورتالىعى الاڭىنداعى ارناۋلى ىلكى جوبا اياسىندا كريپتوۆاليۋتانى كونۆەرتاتسيالاۋ جۇرگىزىلىپ جاتقانىن ايتتى.

«ول ءۇشىن ۇلتتىق زاڭناما مەن رەتتەۋشى ورتاعا ايتارلىقتاي جاڭاشىل وزگەرىستەر ەنگىزىلدى جانە ءبىز ودان ءارى قاراي ىلگەرىلەۋگە دايىنبىز. ەگەر وسى قارجى ينستيتۋتى ءوزىنىڭ ودان ءارى قاجەتتىلىگى مەن قاۋىپسىزدىگىن كورسەتسە، وندا ول تولىقتاي قۇقىقتىق مويىندالاتىندىعى ءسوزسىز. سىزدەرمەن ىنتىماقتاسا وتىرىپ، ءبىز قازاقستاندىق سيفرلىق ەكوجۇيەگە كاپيتال تارتۋ ءۇشىن بارلىق جاعدايدى جاساۋدى جالعاستىرامىز»، - دەدى قاسىم- جومارت توقايەۆ.

ІТ - نارىقتا كاسىبي ماماندارعا دەگەن سۇرانىس وتە جوعارى بولادى.

«ادام - ءبىزدىڭ باستى بايلىعىمىز ەكەنى ءسوزسىز. ەكى جىل بۇرىن الەمدىك ІТ نارىققا 30 ميلليون مامان كەرەك ەدى. بۇگىندە بۇل قاجەتتىلىك 100 ميلليونعا جەتتى. ال 2025 -جىلعا قاراي 200 ميلليونعا دەيىن ارتادى. ۋاقىت وتكەن سايىن بۇل كورسەتكىش وسە بەرەدى. سوندىقتان اتالعان سالادا كاسىبي ماماندارعا دەگەن سۇرانىس وتە جوعارى بولادى. ءبىز بۇل سىن- قاتەردى جاقسى تۇسىنەمىز. سوندىقتان 2025 -جىلعا قاراي كەم دەگەندە 100 مىڭ جوعارى بىلىكتى ІТ مامان دايارلاۋ مىندەتىن قويدىق»، - دەدى ق ر پرەزيدەنتى حالىقارالىق تەحنولوگيالىق فورۋمى بارىسىندا.

اۆتور

مارلان جيەمباي