ۆاسيلي لەۆيت جاڭا قىزمەتكە تاعايىندالدى
28 قىركۇيەك, 17:03

ۆاسيلي لەۆيت جاڭا قىزمەتكە تاعايىندالدى

استانا. قازاقپارات - وليمپيادا ويىندارىنىڭ كۇمىس جۇلدەگەرى ۆاسيلي لەۆيت سىبايلاس جەمقورلىققا قارسى قىزمەت قاتارىنا قوسىلدى، دەپ حابارلايدى قازاقپارات.

ۆاسيلي لەۆيت سىبايلاس جەمقورلىققا قارسى ءىس-قيمىل اگەنتتىگى قىزمەتكەرلەردى فيزيكالىق شىنىقتىرۋ باسقارماسىنىڭ باسشىسى بولىپ تاعايىندالدى.

وعان سىبايلاس جەمقورلىققا قارسى قىزمەت ماماندارىنىڭ دەنە شىنىقتىرۋ دەڭگەيىن ارتتىرۋ، سونداي- اق اگەنتتىكتى قۇقىق قورعاۋ ورگاندارىندا تانىمال ەتۋ مىندەتى قويىلادى.

ۆاسيلي لەۆيت - 1988 -جىلى تۋعان، قوستاناي وبلىسىنىڭ تۋماسى، ءبىلىمى جوعارى.

ق ر ەڭبەك سىڭىرگەن سپورت شەبەرى، ەكى وليمپيادا ويىندارىنىڭ قاتىسۋشىسى، 2016 -جىلعى وليمپيادا ويىندارىنىڭ كۇمىس جۇلدەگەرى، الەم چەمپيوناتىنىڭ ەكى دۇركىن قولا جۇلدەگەرى (2017، 2019)، قازاقستان تاريحىنداعى العاشقى ءۇش دۇركىن ازيا چەمپيونى (2009، 2015، 2017)، ازيا چەمپيوناتىنىڭ ەكى دۇركىن جۇلدەگەرى (2019، 2021)، بوكستان حالىقارالىق جانە ۇلتتىق جارىستاردىڭ بىرنەشە دۇركىن جەڭىمپازى.

ەل دامۋىنا قوسقان ۇلەسى ءۇشىن 2-دارەجەلى «بارىس» وردەنىمەن ماراپاتتالعان.


جاڭالىقتار