09:56, 28 - قىركۇيەك 2022 | GMT +6
ر ف قورعانىس مينيسترلىگى: موبيليزاتسيادان قاشقاندار قايتارىلمايدى
استانا. قازاقپارات – ءىشىنارا موبيليزاتسيادان قاشقان ازاماتتار ماجبۇرلەپ قايتارىلمايدى. رەسەي بيلىگىنىڭ قازاقستان، گرۋزيا جانە وزگە دە ەلدەردىڭ رەسمي ورگاندارىنا سۇراۋ سالىپ، ازاماتتارىن كەرى قايتاراتىن ويى جوق، دەپ حابارلايدى «حابار 24».
ينتەرفاكس اگەنتتىگىنىڭ حابارلاۋىنشا، رەسەيدىڭ قورعانىس مينيسترلىگى بۇل ماسەلەگە قاتىستى مۇنداي جوسپاردىڭ جوعىن ايتىپ، وسىنداي مالىمدەمە جاريالادى. شەكارا اسقان رەسەيلىكتەر حالىقارالىق ىزدەۋ جاريالانعان كەزدە عانا كورشىلەس ەلگە قايتارىلاتىنىن بۇعان دەيىن قازاقستاننىڭ ىشكى ىستەر ءمينيسترى مارات احمەتجانوۆ تا ايتقان ەدى.