رەسەيدەن قازاقستانعا اۋە بيلەتىنىڭ قۇنى شارىقتادى
- ءسىز استاناعا بيلەتتى قانشاعا ساتىپ الدىڭىز؟
- 53 مىڭ.
- 85 مىڭ.
- 60 مىڭ رۋبل، الدىن الا العام. بىرەۋ باس تارتقان بولۋ كەرەك، ءبىز ساتىپ الدىق.
رەسەيلىك تۋروپەراتوردار قاۋىمداستىعىنىڭ بولجامى بويىنشا، قازان ايىندا باعا تۇراقتالۋى ءتيىس. قازان ايىنىڭ ورتاسىنا ماسكەۋ- الماتى باعىتى بويىنشا ساتىلىپ جاتقان بيلەتتى 200 مىڭ تەڭگەگە الۋعا بولادى.
دايانا كۋشيموۆا، رەسەيدىڭ س ءى م ديپلوماتيالىق اكادەمياسىنىڭ ستۋدەنتى:
- قىسقى سەسسيانى اياقتاعاننان كەيىن، قاڭتاردىڭ 30-نا قاراي وتانىمىزعا ورالامىز دەگەن جوسپارىمىز بار. قازىر ساباعىمىز قىزۋ ءجۇرىپ جاتىر. ءبىراق، وسىدان ەكى ءۇش كۇن بۇرىن بيلەت باعاسى ءبىر جارىم ميلليون تەڭگە بولعان.
تلەۋبەكوۆ ءاليحان، م. ۆ. لومونوسوۆ اتىنداعى ۋنيۆەرسيتەتتىڭ ستۋدەنتى:
- دەمالىس كەزىندە بيلەتتەردىڭ باعاسىن قاراپ شىقتىم. ماسكەۋدەن استاناعا دەيىن بيلەتتىڭ قۇنى شامامەن 200 مىڭ تەڭگە تۇردى.
كايداروۆا كارينا، ي. م. گۋبكينا اتىنداعى ۋنيۆەرسيتەتتىڭ ستۋدەنتى:
- ارينە ۇرەي بار. ءبىراق ءبىزدى رەسەيدەگى قازاقستاننىڭ ەلشىلىگى ەش الاڭداماۋعا شاقىردى. ءبارى تىنىش ەكەنىن ايتتى. ەلگە قايتۋ كەرەك بولسا كومەك كورسەتىلىپ، بارلىعى ۇيىمداستىرىلاتىنىنا ۋادە بەردى.
رەسەيلىكتەردىڭ كوبى ءوزىن- ءوزى جاريالاعان دونەتسك پەن لۋگانسك جانە ۋكراينانىڭ ەكى وبلىسىنداعى رەفەرەندۋمنىڭ ناتيجەسى شىققاننان كەيىن ەر ادامدارعا ەلدەن شىعۋعا تىيىم سالىنادى دەپ ۇرەيلەنەدى. وسى رەتتە ىشكى رەيستتەرگە دە بيلەتتىڭ باعاسى كۇرت وسكەن. ەگەر بۇرىن ماسكەۋدەن قازاقستانمەن شەكارالاس ورسك، ومبى جانە چەليابينسكىگە بيلەتتى 50 مىڭ تەڭگە ساتسا، قازىر ونىڭ قۇنى ون ەسە ءوستى.
www.24.kz