الماتىعا قانشا رەسەيلىك ازامات كەلىپ، كەتىپ قالدى
28 قىركۇيەك, 09:25

الماتىعا قانشا رەسەيلىك ازامات كەلىپ، كەتىپ قالدى

الماتى. قازاقپارات - رەسەيدە اسكەري موبيليزاتسيا باستالعالى الماتىعا 5066 رەسەي ازاماتى كىرىپ، كەيىن 4172-سى كەتىپ قالعان.

بۇل تۋرالى وڭىرلىك كوممۋنيكاتسيالار قىزمەتىنىڭ الاڭىندا قالا اكىمىنىڭ ورىنباسارى ارمان قىرىقبايەۆ ايتتى، دەپ حابارلايدى قازاقپارات ءتىلشىسى.

سپيكەر ق ر پرەزيدەنتى قاسىم- جومارت توقايەۆتىڭ تاپسىرماسى اياسىندا الماتى قالاسىنىڭ اكىمدىگى رەسەي فەدەراتسياسى ازاماتتارىنىڭ كەلۋىنە قاتىستى ارنايى جوسپار دايىنداعانىن ءمالىم ەتتى.

«22-27-قىركۇيەك ارالىعىندا الماتى قالاسىنا 5066 ر ف ازاماتى كەلىپ، ونىڭ 4172 قايتا شىعىپ كەتكەن. ال قالعان 894 رەسەيلىك ازاماتتار قالا اۋماعىندا قالدى. بۇل ءبىزدىڭ قالا ءۇشىن ۇلكەن كورسەتكىش ەمەس. الماتىنىڭ بارلىق قىزمەتتەرى تۇگەل قاجەتتى جۇمىستى ورىنداۋعا دايىن. مەملەكەتتىك ورگاندار زاڭعا جانە حالىقارالىق مىندەتتەمەلەرگە سايكەس بارلىق قاجەتتى كومەكتى كورسەتەدى. ياعني، ەشقانداي ارتىقشىلىق بولمايدى»، - دەدى ارمان قىرىقبايەۆ.

سونداي-اق ول بارلىق مەملەكەتتىك مەكەمەلەر، اسىرەسە كوشى-قون قىزمەتى شتاتتىق رەجيمدە جۇمىس ىستەپ، جاعدايدى باقىلاۋدا ۇستاپ وتىرعانىن باسا ايتتى.

ارمان قىرىقبايەۆ قاجەت بولعان جاعدايدا 2 مىڭعا جۋىق توسەك ورىن دايىندالاتىنىن تىلگە تيەك ەتتى. الماتى قالاسى اكىمدىگىنىڭ Open Almaty قوعامدىق قابىلداۋىنىڭ تاۋلىك بويى تەگىن كولل- ورتالىعى جۇمىس ىستەيدى. بارلىق وزەكتى سۇراقتار بويىنشا 1308 (موبيلدى قازاقستاندىق ۇيالى بايلانىس وپەراتورىنىڭ قوڭىراۋى، تەك الماتى قالاسىندا عانا قولجەتىمدى) جانە 77273383388+ (قالالىق تەلەفوننان قوڭىراۋ) تەلەفوندارىنا حابارلاسۋعا بولادى.

بۇدان باسقا، كوشى- قون سالاسىنداعى مەملەكەتتىك ساياساتتى ىسكە اسىرۋ ماسەلەلەرى، شەتەل ازاماتتارىنىڭ الماتى قالاسىنىڭ اۋماعىندا بولۋ ەرەجەلەرى بويىنشا جەدەل جەلى ۇيىمداستىرىلدى: 77272544317+، 77272544697+.

جاڭالىقتار