الماتى وبلىسىنىڭ تۇرعىنى نە سەبەپتى ءيتتى جۇك كولىگىمەن سۇيرەگەنىن ايتىپ بەردى
28 قىركۇيەك, 08:52

الماتى وبلىسىنىڭ تۇرعىنى نە سەبەپتى ءيتتى جۇك كولىگىمەن سۇيرەگەنىن ايتىپ بەردى

قونايەۆ. قازاقپارات - الماتى وبلىسى ەركىن اۋىلىندا ءيتتى جۇك كولىگىنە بايلاپ، كوشەدە سۇيرەگەن جۇرگىزۋشى پوليتسيادا ارەكەتىن ءتۇسىندىردى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى اتالعان وقيعانىڭ 25-قىركۇيەكتە تالعار اۋدانىندا بولعانىن حابارلادى. قازىرگى ۋاقىتتا پوليتسيا قىزمەتكەرلەرى جۇك كولىگىنىڭ 42 جاستاعى جۇرگىزۋشىسىن انىقتاپ، اۋداندىق ۆەدومستۆوعا جەتكىزدى.

جۇرگىزۋشى ءوزىن اقتاۋ رەتىندە كولىكتىڭ بۇزىلۋىنا بايلانىستى ءماجبۇرلى توقتاعان كەزدە بەلگىسىز بىرەۋلەر ءيتتى كولىگىنە بايلاپ كەتكەنىن جانە ول ءيتتى جانىندا كەتىپ بارا جاتقان باسقا كولىكتەگىلەر سيگنال بەرگەندە عانا بايقاعانىن ايتتى.

«اتالعان فاكتى بويىنشا تالعار اۋداندىق پوليتسيا باسقارماسىندا ق ر ا ق ب ت ك-نىڭ 407-1-بابىنىڭ 1-بولىگى بويىنشا اكىمشىلىك ءىس قوزعالدى. ايتا كەتەيىك، اتالعان وقيعا بويىنشا پوليتسياعا ەشكىم ارىز، شاعىم بەرگەن جوق»، - دەپ حابارلادى پوليتسيا دەپارتامەنتىنىڭ باسپا ءسوز قىزمەتى.

ەسكە سالايىق، تالعار اۋدانى ەركىن اۋىلىندا كاماز جۇرگىزۋشىسى ءيتتى جۇك كولىگىنە بايلاپ، كوشەمەن سۇيرەگەنىن جازعان ەدىك.

جاڭالىقتار