فينليانديا ەكى- ءۇش جىل ىشىندە رەسەيمەن شەكاراعا بيىك دۋال سالادى

استانا. قازاقپارات - فينليانديا ەكى- ءۇش جىلدىڭ ىشىندە رەسەيمەن شەكارانىڭ وڭتۇستىك- شىعىس بولىگىنە دۋال سالۋى مۇمكىن.

بۇل تۋرالى ەلدىڭ شەكارا قىزمەتى مالىمدەگەن، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

ۆەدومستۆو 1300 شاقىرىمدىق شەكارانىڭ 10-20 پايىزىن عانا قورشاۋدى جوسپارلاپ وتىر.

وسىلايشا، قورشاۋدىڭ ۇزىندىعى 130 دان 260 شاقىرىمعا دەيىن سوزىلادى. دۋال شامامەن 50 جىلعا شىدايدى دەپ بولجانىپ وتىر.

شەكارا قىزمەتىنىڭ باسشىسى پاسي كوستاموۆارانىڭ ايتۋىنشا، قورشاۋدى سالۋعا جۇزدەگەن ميلليون ەۋرو قاجەت.

قورشاۋدىڭ وزىنەن باسقا، بۇل سوماعا شەكاراشىلارعا شەكارانى زاڭسىز كەسىپ وتۋگە تەز ارەكەت ەتۋگە مۇمكىندىك بەرەتىن تەحنيكالىق قىزمەت كورسەتۋ جانە ءتيىستى ينفراقۇرىلىم قۇرۋ كىرەدى.

رەيتەر اگەنتتىگىنىڭ حابارلاۋىنشا، دەمالىس كۇندەرى فينليانديامەن شەكارانى 17 مىڭعا جۋىق رەسەيلىك كەسىپ ءوتتى، بۇل ءبىر اپتا بۇرىنعىدان %80 عا كوپ.

21-25-قىركۇيەكتى قوسا العاندا، فينليانديامەن شەكاراداعى ۆىبورگ كەدەنىنىڭ وتكىزۋ بەكەتى ارقىلى رەسەي فەدەراتسياسىنىڭ اۋماعىنان 13,1 مىڭ اۆتوكولىك شىققان.

كەدەننىڭ مالىمەتىنشە، 14-18-قىركۇيەكتە فينليانديا باعىتىنا شەكارادان 7,7 مىڭ كولىك وتكەن، كولىك اعىنى ەكى ەسەگە جۋىق وسكەن.

ماۋسىم ايىندا فينليانديا ىشكى ىستەر مينيسترلىگى ەل ۇكىمەتىنىڭ «گيبريدتى سيپاتتاعى قاۋىپ- قاتەرلەرگە» قارسى تۇرۋعا، ونىڭ ىشىندە «ساياسي قىسىم كورسەتۋ ماقساتىنداعى كوشى- قون ماسەلەسىنە» دايىن بولۋ ءۇشىن شىعىس شەكاراداعى (رەسەيمەن) ءقاۋىپتى اۋداندارعا كەدەرگىلەر ورناتۋدى جوسپارلاپ وتىرعانىن حابارلادى.

7-شىلدەدە رەسپۋبليكانىڭ فين پارلامەنتى شەكارا كۇزەتى تۋرالى جانە دايىندىق تۋرالى زاڭعا ەنگىزىلگەن تۇزەتۋلەردى قولدادى.

رەيتەر اگەنتتىگىنىڭ حابارلاۋىنشا، بۇل تۇزەتۋلەر رەسەيمەن شەكارادا توسقاۋىل ورناتۋعا جانە ونى توتەنشە جاعدايلاردا بوسقىندار ءۇشىن جابۋعا باعىتتالعان، بۇل ە و نورمالارىنا قايشى كەلەدى.

زاڭنىڭ جاڭا رەداكسياسى پارلامەنتكە شەكارالاردى قورعاۋعا قاتىستى شەشىمدەردى جەدەل قاراۋعا، ال ۇكىمەتكە فينليانديا شەكاراسىنا جاقىن جەردە «دۋالدار نەمەسە باسقا دا قورشاۋلار» سالۋ تۋرالى بۇيرىقتار قابىلداۋعا جانە بارلىق سۇرانىستاردى ءبىر نەمەسە بىرنەشە شەكارا بەكەتتەرىنە، مىسالى، اۋەجايعا جىبەرۋگە مۇمكىندىك بەرەدى.