رەسەيلىكتەر قوستاناي وبلىسىندا جاپپاي ج س ن الىپ جاتىر
بۇل تۋرالى بۇگىن ارنايى بريفينگ وتكىزگەن وسى سالاعا جاۋاپتى ماماندار مالىمدەدى. مۇنداي جاعداي رەسەيدە ءىشىنارا موبيليزاتسيا جاريالانعاننان كەيىن قالىپتاسىپ وتىر. كورشى ەلدىڭ ازاماتتارى تولاسسىز شەكارا اسىپ جاتقانى بەلگىلى.
بريفينگكە قاتىسۋشىلار وبلىسقا رەسەيدەن كەلۋشىلەر سانى قانشاعا ارتقانىن ناقتى ايتا المادى. حالىققا قىزمەت كورسەتۋ ورتالىقتارىندا دا ولاردىڭ قاراسى كوبەيگەن. سونىڭ سالدارىنان ءتىپتى قالاداعى ورتالىقتاردىڭ ءبىرى تەك شەتەلدىكتەرگە قىزمەت كورسەتۋگە كوشكەن. رەسەيلىكتەر بۇل جەردەن جەكە سايكەستەندىرۋ نومەرى، ەلەكتروندى قولتاڭبا جانە ۋاقىتشا تۇرۋدى تىركەۋ قۇجاتتارىن الىپ جاتىر. شەكارادان وتكەن شەتەلدىكتى قابىلداپ الۋشى جاق ءۇش كۇن ىشىندە كوشى- قون پوليتسياسىن حابارلاندىرۋ ارقىلى تىركەۋگە ءتيىس. ال تىركەۋگە تۇرماعانداردى پوليتسيا انىقتاپ ءتيىستى شارا قولدانادى.
قايرات دۇتبايەۆ، وبلىستىق پ د كوشى- قون پوليتسياسى باسقارماسىنىڭ باسشىسى:
- بۇعان دەيىن وبلىس بويىنشا كۇنىنە شامامەن 50-100 شەتەلدىك ازامات تىركەلەتىن. سوڭعى ءۇش كۇندە ولاردىڭ سانى 2-3 ەسەگە ءوستى. ءبىز كۇن سايىن مونيتورينگ جۇرگىزىپ وتىرامىز. سول كورشى ەلدەن كەلگەندەردىڭ 80-90 پروتسەنتى استانا، الماتى سياقتى ءىرى مەاگاپوليستەرگە بارۋعا ءوتىنىش ءبىلدىرىپ جاتىر.
www.24.kz