دونەسك جانە لۋگانسكى ايماعىنداعى رەفەرەندۋم قالاي ءوتىپ جاتىر
مۇندا شامامەن 9 ميلليون ادام تۇرادى. داۋىس بەرۋ ۇيلەردىڭ جانىندا ءوتىپ جاتىر. نە بولماسا ورتالىق سايلاۋ كوميسسياسىنىڭ مۇشەلەرى پاتەرلەردى ارالاپ ءجۇر. بۇل تۇرعىنداردىڭ قاۋىپسىزدىگى ءۇشىن جاسالدى. ءبىراق ەرتەڭ، ياعني ساياسي شارانىڭ سوڭعى كۇنى ارنايى بولىمشەلەر اشىلادى. قولدا بار مالىمەت بويىنشا داۋىس بەرۋ ءوتتى دەپ تانىلدى. ويتكەنى 4 وڭىردە دە قاتىسۋشىلاردىڭ بەلسەندىلىگى قاجەتتى 50 پايىزدىق مەجەدەن اسقان. اسىرەسە ءوزىن- ءوزى جاريالاعان دونەتسك جانە لۋگانسك رەسپۋبليكالارىنداعى كورسەتكىشتەر جوعارى.
ەلەنا، سايلاۋ كوميسسياسىنىڭ مۇشەسى:
- راسىمەن تۇرعىنداردىڭ بەلسەندىلىگى جوعارى. ولار مۇمكىندىگىنشە رەفەرەندۋمعا قاتىسۋعا تىرىسىپ جاتىر. توسەك تارتىپ جاتىپ قالعان ازاماتتار بىزگە قوڭىراۋ شالىپ، ۇيىنە شاقىرادى. جۇرت بەيبىت ءومىردى قالايدى.
ماريۋپولدە قارت كىسى كوپ. ولار بيلىكتەن كومەك كۇتەدى. قالانىڭ بۇرىنعىداي بولعانىن قالايدى.
ۆاديم، ماريۋپول تۇرعىنى:
- اتىس- شابىستان ءۇيىم ورتەنىپ كەتتى. سوندىقتان مەن رەفەرەندۋمنان وزگەرىستەر كۇتەمىن. جاسىم 72-دە. بيلىك باسپانامدى قالپىنا كەلتىرىپ بەرسە ەكەن. بالا- شاعامىز وسىندا ورالسا دەيمىن.
ءبىراق باسقا پىكىر تانىتىپ جاتقان تۇرعىندار دا بار.
ناتاليا، كراماتورسك تۇرعىنى:
- رەفەرەندۋم تۋرالى ءوز ويىمدى ايتاتىن بولسام، مەنىڭشە ول زاڭسىز ءوتىپ جاتىر. ويتكەنى بۇل ءبىزدىڭ جەرىمىز.
نينا پاۆليۋك، ماريۋپول تۇرعىنى:
- قالاي بولعاندا دا ماريۋپول ۋكراينا اسكەرىنىڭ باقىلاۋىنا وتەدى. بۇگىن ماعان ماريۋپولدەگى بىرنەشە تانىسىم قوڭىراۋ شالىپ، رەفەرەندۋمعا قاتىسقىمىز كەلمەيدى، ءبىراق قورقامىز، ەندى نە ىستەيمىز دەپ سۇرادى.
الەم ەلدەرىنىڭ كوبى دونەتسك جانە لۋگانسك- داعى رەفەرەندۋمعا قارسى
ا ق ش پرەزيدەنتى الداعى ۋاقىتتا رەسەيگە قارسى جاڭا سانكسيالار سالىناتىنىن جەتكىزدى. رەسمي كيەۆ تە ونىڭ ناتيجەسىنىڭ ەشقانداي زاڭدى كۇشى جوق ەكەنىن ايتادى. ۋكراينانىڭ باس پروكۋراتۋراسى ءوزىن- ءوزى جاريالاعان دونەتسك جانە لۋگانسك حالىق رەسپۋبليكالارىنىڭ سايلاۋ كوميسسيالارىنىڭ باسشىلارىنا قارسى قىلمىستىق ءىس قوزعادى. ولار اۋماقتىق تۇتاستىققا قول سۇقتى دەپ ايىپتالىپ وتىر.