مۇحتار تىلەۋبەردى جاپونيا سىرتقى ىستەر مينيسترىمەن كەلىسسوز وتكىزدى
ءمالىم ەتىلگەندەي، قازاقستاندىق دەلەگاتسيا جاپونيا استاناسىنا كەلگەننەن كەيىن مۇحتار تىلەۋبەردى جاپونيانىڭ سىرتقى ىستەر ءمينيسترى ەشيماس حاياشيمەن كەلىسسوزدەر وتكىزدى. مينيستر م. تىلەۋبەردى پرەزيدەنت قاسىم-جومارت توقايەۆتىڭ جانە قازاقستان حالقى اتىنان كوڭىل ايتىپ، سيندزو ابە ەلىمىزدىڭ جاقىن دوسى بولعانىن جانە ەكى مەملەكەت اراسىنداعى ءوزارا قارىم-قاتىناستى نىعايتۋعا قوماقتى ۇلەس قوسقانىن اتاپ ءوتتى.
«كەلىسسوزدەر بارىسىندا تاراپتار تاريحي قىسقا مەرزىم ىشىندە قازاقستان مەن جاپونيا كەڭەيتىلگەن ستراتەگيالىق سەرىكتەستىك دەڭگەيىنە قول جەتكىزگەنىن جانە بيىل ديپلوماتيالىق قاتىناستاردىڭ ورناعانىنا 30 جىل تولعانىن اتاپ ءوتتى.
مينيسترلەر ەكىجاقتى قارىم-قاتىناستىڭ كەڭ اۋقىمدى ماسەلەلەرىن، ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ جولدارىن، سونداي-اق كوپجاقتى فورماتتاعى ءوزارا ءىس-قيمىلدى تالقىلادى. جوعارى جانە اسا جوعارى دەڭگەيدەگى الداعى ءىس-شارالار كەستەسى ەگجەي-تەگجەيلى قارالدى»، - دەلىنگەن س ءى م حابارلاماسىندا.