قايرات ساتىبالدى نە ءۇشىن سوتتالدى - سۋديا تۇسىندىرمەسى
سوت ۇكىمىن سۋديا نۇرلان باياحمەتوۆ ءتۇسىندىردى.
ءمالىم بولعانداي، 2018-2022-جىلدار ارالىعىندا ق. ساتىبالدى تالان-تاراجعا سالۋ ارقىلى «كولىكتىك سەرۆيس ورتالىعى» ا ق قاراجاتىن جىمقىرۋدى ۇيىمداستىرعان. ول ءۇشىن الدىن الا ءسوز بايلاسىپ، ا ق- نىڭ باسشىلىق لاۋازىمداعى تۇلعالارىنىڭ قىزمەتتىك وكىلەتتىگىن پايدالانعان. ورىنداۋشىلار رەتىندە ديرەكتورلار كەڭەسىنىڭ ءتوراعاسى م. مۇحامبەدجان ۇلى جانە ا ق پرەزيدەنتى گ. م. بەكەتوۆ بولعان. ولار باقىلاۋداعى سوتتالعان كومپانيالارمەن جالعان كەلىسىمشارتتار جاساپ، ا ق قاراجاتىن شىعارىپ وتىرعان.
«وسىلايشا ق. ساتىبالدى، م. مۇحامبەدجان ۇلى، گ. م. بەكەتوۆ «كولىكتىك سەرۆيس ورتالىعى» ا ق- عا 28 ميلليارد تەڭگەدەن استام سوماعا اسا ءىرى كولەمدە ماتەريالدىق زالال كەلتىردى»، - دەدى سۋديا.
بۇدان بولەك، 2018-2022-جىلدار ارالىعىندا ق. ساتىبالدى ۇلى سەنىمگە قيانات جاساۋ جانە الداۋ جولىمەن ا ق- نىڭ («قازاق تەلەكوم» ا ق - رەد.) مۇلىك يەسىنە مۇلىكتىك زالال كەلتىرۋدى ۇيىمداستىرعان. قىلمىسىن الدىن الا ءسوز بايلاسۋ ارقىلى چ. قوڭىربايەۆپەن جانە ا ق- نىڭ كورپوراتيۆتىك بيزنەس ديرەكسياسىنىڭ ديرەكتورى ل. مۋراۆيەۆپەن ىسكە اسىرعان.
اتاپ ايتقاندا، بايلانىس كانالدارىن باقىلاۋداعى جالعىز ءارى ءبىرىڭعاي جەتكىزۋشى كومپانيا - «Qaztelcom.kz» ج ش س ارقىلى جوعارى باعامەن جالعا بەرۋدى، سونداي-اق بايلانىس كانالدارىن ابونەنتتىك تولەمسىز قوسۋدى ۇيىمداستىرعان.
«وسىلايشا، ق. ساتىبالدى، چ. قوڭىربايەۆ پەن ل. مۋراۆيەۆ ا ق- عا 12 ميلليارد تەڭگەدەن استام سوماعا ماتەريالدىق زالال كەلتىردى»، - دەدى سۋديا.
سۋديا نۇرلان باياحمەتوۆ تاعىلعان ايىپتار قالاي دالەلدەنگەنىن ايتىپ بەردى.
«ق. ساتىبالدى، م. مۇحامبەدجان ۇلى، گ. بەكەتوۆ، چ. س. قوڭىربايەۆ، ل. ا. مۋراۆيەۆتىڭ كىناسى اۋديتورلىق ەسەپتەرمەن، كۋالاردى سۇراۋ حاتتامالارىمەن، مامانداردىڭ قورىتىندىسىمەن، زاتتاي ايعاقتارمەن، ءوزارا ەسەپتەسۋ بويىنشا بۋحگالتەرلىك قۇجاتتارمەن، قۇجاتتىق تەكسەرۋ اكتىلەرىمەن، ا ق مەن باقىلاۋداعى سوتتالعان كومپانيالار اراسىندا جاسالعان شارتتار جانە ولارعا قوسىمشا كەلىسىمدەرمەن، شەگەرىم ۇسىنۋ تۋرالى وكىمدەرمەن، ورىندالعان جۇمىستىڭ اكتىلەرىمەن راستالدى.
سوتتا سوتتالۋشىلار كىنالارىن تولىق كولەمدە مويىندادى.
«كولىكتىك سەرۆيس ورتالىعى» ا ق مۇلكىن تالان-تاراجعا سالۋ فاكتىسى بويىنشا 28 ميلليارد تەڭگەدەن استام كولەمدەگى زالال سوماسى تولىق وتەلدى.
«قازاق تەلەكوم» ا ق- عا مۇلىكتىك زالال كەلتىرۋ فاكتىسى بويىنشا 12 ميلليارد تەڭگەدەن استام كولەمدەگى زالال تولىق وتەلدى.
سوت وتىرىسى بارىسىندا جابىرلەنۋشىلەر مەن سوتتالۋشىلاردىڭ اراسىندا مەدياتىۆتىك كەلىسىمدەر جاسالدى، الايدا جابىرلەنۋشىلەر وزدەرىنىڭ قۇقىقتارىن پايدالانا وتىرىپ، كەلىسىمدەردەن كەيىن باس تارتتى.
ءىس كەلىسۋ وندىرىسىندە قارالعاندىقتان، سوت مەدياتيۆتىك كەلىسىمگە باعا بەرگەن جوق. سونىمەن قاتار، قىلمىستىق ءىستى قاراۋ بارىسىندا سوتتا پروكۋرور مەن سوتتالۋشىلاردىڭ اراسىندا كىنانى مويىنداۋ تۋرالى پروتسەسسۋالدىق كەلىسىم جاسالىپ، وعان جابىرلەنۋشىلەر دە قول قويدى.
ق پ ك- ءتىڭ 622- بابىنا سايكەس سوت پروتسەسسۋالدىق كەلىسىم بارلىق سوتتالۋشىلارمەن جاسالعان جاعدايدا ءىستى كەلىسۋ وندىرىسىندە قارايدى.
بۇل رەتتە سوت پروتسەسسۋالدىق كەلىسىمدە كورسەتىلگەن جازادان قاتاڭ جازا تاعايىنداي المايدى.
پروكۋرور پروتسەسسۋالدىق كەلىسىمدى ەسكەرىپ، ق. ساتىبالدى ۇلىنا قاتىستى 6 جىلعا باس بوستاندىعىنان ايىرۋ جازاسىن تاعايىنداۋدى سۇرادى.
جابىرلەنۋشىلەر ازاماتتىق تالاپ قويۋلاردى قاراۋسىز قالدىرۋدى سۇرادى»، - دەپ ءتۇسىندىردى سۋديا.
ايىپتالۋشىلارعا كەلەسىدەي جازا تاعايىندادى:
- ق. ساتىبالدىعا 6 جىلعا باس بوستاندىعىنان ايىرۋ جازاسى تاعايىندالدى. سونداي-اق مۇلكى تاركىلەنىپ، 10 جىلعا مەملەكەتتىك قىزمەتتە لاۋازىم اتقارۋعا تىيىم سالىندى. بۇدان بولەك، ارنايى شەنى مەن مەملەكەتتىك ناگرادالارىنان ايىرىلدى.
- م. مۇحامبەدجان ۇلى مەن گ. بەكەتوۆكە شارتتى تۇردە 6 جىل باس بوستاندىعىنان ايىرۋ جازاسى تاعايىندالدى.
- چ. قوڭىربايەۆ پەن ل. مۋراۆيەۆكە شارتتى تۇردە 2 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى.
م. مۇحامبەدجان ۇلى، گ. بەكەتوۆ، چ. قوڭىربايەۆ پەن ل. مۋراۆيەۆكە باسشىلىق لاۋازىم اتقارۋ قۇقىعىنان ايىرۋ تۇرىندەگى قوسىمشا جازا تاعايىندالدى.
ۇكىم زاڭدى كۇشىنە ەنگەن جوق.
ەسكە سالايىق، بۇگىن قايرات ساتىبالدىعا قاتىستى سوت ۇكىمى شىققانىن جازعان بولاتىنبىز. سونداي-اق ول اسكەري شەنىنەن ايىرىلىپ، مەملەكەتتىك وردەندەردى قايتارۋعا مىندەتتەلدى.