قازاقستاننىڭ شەكارا وتكىزۋ پۋنكتەرى شتاتتىق رەجيمدە جۇمىس ىستەپ تۇر – ۇ ق ك

استانا. قازاقپارات - الەۋمەتتىك جەلىلەر مەن مەسسەندجەرلەردە قازاق-رەسەي شەكاراسىنداعى وتكىزۋ پۋنكتەرىنىڭ جابىلۋى تۋرالى اقپارات تارالۋدا. ۇلتتىق قاۋىپسىزدىك كوميتەتى بۇل اقپاراتتى جوققا شىعاردى، دەپ حابارلايدى قازاقپارات.

«قازاقستاننىڭ وتكىزۋ پۋنكتەرى شتاتتىق رەجيمدە جۇمىس ىستەپ تۇر. مەملەكەتتىك شەكارا ارقىلى ادامداردى، كولىك قۇرالدارىن، جۇكتەر مەن تاۋارلاردى وتكىزۋ قازاقستان رەسپۋبليكاسىنىڭ زاڭنامالارى مەن حالىقارالىق كەلىسىمدەرىنە سايكەس ىسكە اسىرىلۋدا. رەسەيلىك تاراپتان وتكىزۋ پۋنكتەرىنىڭ جابىلۋى تۋرالى رەسمي اقپارات تۇسكەن جوق»، - دەلىنگەن كوميتەتتىڭ حابارلاماسىندا.

ەسكە سالساق، بۇعان دەيىن ۇ ق ك رەسەيمەن شەكاراداعى احۋال باقىلاۋدا ەكەنىن ايتقان بولاتىن.