بەلگىلى تەلەجۇرگىزۋشى ەركىن مۇحامەدجانوۆ جاڭا قىزمەتكە تاعايىندالدى
«ەركىن مۇحامەدجانوۆ وتاندىق تەلەۆيزيادا، ونىڭ ىشىندە «قازاقستان» تەلەراديوكورپوراتسياسىندا 22 جىلدان بەرى قىزمەت ەتىپ كەلەدى. ەڭبەك جولىن ايماقتىق تەلەارنادان ءتىلشى بولىپ باستاپ، تەلەۆيزيانىڭ بارلىق ساتىسىنان ءوتتى. 2018-جىلدان بەرى «Qazaqstan» تەلەارناسىنىڭ ديرەكتورى قىزمەتىن اتقاردى. بىلىكتىلىگى مەن سالاداعى تەرەڭ تاجىريبەسى كورپوراتسيانىڭ ودان ءارى دامۋىنا ىقپال ەتەتىنىنە سەنەمىن»، - دەدى «قازاقستان» تەلەراديوكورپوراتسياسى باسقارما ءتوراعاسى ءلاززات تانىسباي.
Qazaqstan ۇلتتىق تەلەارناسىنىڭ ديرەكتورى قىزمەتىنە جۋرناليست بولات ءمۇرسالىم تاعايىندالدى.
«بولات ءمۇرسالىمنىڭ تەلەۆيزيا نارىعىنداعى تاجىريبەسىن ەسكەرە وتىرىپ، ۇلتتىق ارنا ەفيرىندە ءارى قاراي دا تىڭ باعىتتاعى جوبالار پايدا بولىپ، قاتارىمىزعا جاڭاشىل كادرلاردىڭ قوسىلاتىنىنا سەنىم بىلدىرەمىن. «Qazaqstan» تەلەارناسى سوڭعى جىلدارى قوعامدىق-ساياسي سيپات الا باستادى. سوعان سايكەس كورپوراتسيا قوعامدىق، ساياسي، الەۋمەتتىك باعىتتاعى جوبالاردىڭ ەفيرگە كوپتەپ شىعۋىنا مۇددەلى»، - دەپ اتاپ ءوتتى ل. تانىسباي.
ب. ءمۇرسالىم 2022-جىلعى تامىز ايىنان بەرى «قازاقستان» رەسپۋبليكالىق تەلەراديوكورپوراتسياسىنىڭ باس رەداكتورى قىزمەتىندە بولدى.