قايرات ساتىبالدىنىڭ قاڭتار وقيعاسىنا قاتىسى بار ما

استانا. قازاقپارات - استانا قالاسىنىڭ سوتى قايرات ساتىبالدىنىڭ قاڭتار ايىنداعى جاپپاي تارتىپسىزدىكتەردى ۇيىمدىرۋعا قاتىسى بار دەگەن ايىپقا قاتىستى تۇسىنىك بەردى، دەپ حابارلايدى قازاقپارات ءتىلشىسى.

«كەيبىر بۇقارالىق اقپارات قۇرالدارى قايرات ساتىبالدىنىڭ قاڭتارداعى جاپپاي تارتىپسىزدىكتەردى ۇيىمداستىرۋعا قاتىسى بولۋى مۇمكىن ەكەندىگىن ايتقان بولاتىن. تەرگەۋ بۇعان قاتىستى ايىپتاۋدى ۇسىنعان جوق»، - دەلىنگەن سوت مالىمەتىندە.

ايتا كەتسەك، بۇگىن قايرات ساتىبالدىنى 6 جىلعا باس بوستاندىعىنان ايىرۋ تۋرالى سوت ۇكىمى شىقتى.

«جەرگىلىكتى ءوزىن-ءوزى باسقارۋ ورگاندارىندا، ق ر ۇلتتىق بانكىندە جانە ونىڭ ۆەدومستۆولارىندا، مەملەكەتتىك جانە مەملەكەتتىڭ ۇلەسىن قۇرايتىن ۇيىمداردا لاۋازىمعا ورنالاسۋ قۇقىعىنان ايىرا وتىرىپ، وعان 6 جىل باس بوستاندىعىنان ايىرۋ تۇرىندەگى جازا تاعايىندالسىن»، - دەگەن ەدى سۋديا.

سونداي-اق سوت ۇكىمىنە سايكەس قايرات ساتىبالدى اسكەري شەنىنەن ايىرىلىپ، مەملەكەتتىك وردەندەردى قايتارۋعا مىندەتتەلدى.

ودان بولەك، سۋديا سوتتالۋشىعا قانداي ايىپتاردىڭ تاعىلعانىن ءتۇسىندىردى.