قانداي جاعدايدا شەتەلدىكتەردى جۇمىسقا ورنالاستىرۋعا شەكتەۋ قويىلادى

استانا. قازاقپارات – ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا قازاقستاندا شەتەلدىك ازاماتتاردى جۇمىسقا ورنالاستىرۋدى شەكتەۋ شارالارىن ەنگىزۋ تۋرالى سۇراقتارعا جاۋاپ بەردى، دەپ حابارلايدى قازاقپارات ءتىلشىسى.

«ءبىز ە ا ە و شارتىندا كوزدەلگەن حالىقارالىق مىندەتتەمەلەرىمىزدى نەگىزگە الامىز. بىرىنشىدەن، بىزدە ستراتەگيالىق سالالار بار، وندا قازاقستاندىق قىزمەتكەرلەردىڭ ۇلەسى ايقىندالعان. ەگەر بۇل ۇلەستەن اسىپ كەتسە، ءبىز وسى سالالارعا جۇمىسقا قابىلداۋدى توقتاتامىز. سالالار ءتىزىمىن ءتيىستى ورگاندار انىقتايدى، سوندىقتان مەن قايتالايمىن - ءقازىر رەسەيدەن دە، باسقا ەلدەردەن دە كەلگەندەردىڭ سانى ۇلتتىق ەڭبەك نارىعىندا اۋىرتپالىق تۋدىرمايدى»، - دەدى تامارا دۇيسەنوۆا ورتالىق كوممۋنيكاتسيالار قىزمەتىندە.

ول ەلدەگى شەتەلدىك ازاماتتاردى جۇمىسقا ورنالاستىرۋ بويىنشا قانداي جاعدايدا شەكتەۋ شارالارى ەنەتىنىن ايتتى.

«كەيىننەن ەڭبەككە قابىلەتتى ازاماتتار سانىنىڭ ارتۋى جانە ولار قازاقستاندىق قىزمەتكەرلەردىڭ ۇلەسى بولىگىندە ءبىزدىڭ ستراتەگيالىق سالالارىمىزعا اسەر ەتسە، وندا شەكتەۋ شارالارى قابىلدانادى. ەڭ الدىمەن شەتەلدىكتەرگە رۇقسات بەرۋ توقتاتىلادى، ال ەاەو ەلدەرىنىڭ ازاماتتارى ءۇشىن - جۇمىسقا قابىلداۋ ۋاقىتشا توقتاتىلادى»، - دەپ ءتۇسىندىردى ت. دۇيسەنوۆا.

ت. دۇيسەنوۆانىڭ ايتۋىنشا، بيىل 28 مىڭ شەتەلدىك قىزمەتكەرگە كۆوتا بەرىلگەن.