20:21, 26 - قىركۇيەك 2022 | GMT +6
اقمولا وبلىسىنداعى بىرنەشە اۋىلدىڭ اتاۋىن وزگەرتۋ ۇسىنىلدى
كوكشەتاۋ. قازاقپارات - اقمولا وبلىسىنا قاراستى ارشالى اۋدانىنداعى 2 اۋىل مەن 1 اۋىلدىق وكرۋگتىڭ اتاۋى وزگەرۋى مۇمكىن.
مۇنداي ۇسىنىس اشىق تالقىعا شىعارىلعان اقمولا وبلىسى اكىمدىگى مەن وڭىرلىك ءماسليحاتتىڭ بىرلەسكەن شەشىمىندە كورسەتىلگەن، دەپ حابارلايدى قازاقپارات ءتىلشىسى.
«ارشالى اۋدانىنىڭ دونەسكوە اۋىلى - اناركول، ۆولگودونوۆ اۋىلى - ەلتوق اۋىلى جانە ۆولگودونوۆ اۋىلدىق وكرۋگى ەلتوق اۋىلدىق وكرۋگى دەپ اتالسىن»، - دەلىنگەن قۇجاتتا.
ۇسىنىستى اشىق تالقىلاۋ 4-قازانعا دەيىن جالعاسادى.
ەسكە سالا كەتەيىك، بۇعان دەيىن قاراعاندى وبلىسىنداعى وساكاروۆ اۋدانىنىڭ اتاۋى وزگەرتىلگەن ەدى. ەندى بۇل اۋدان سارىبەل دەپ اتالادى.