الەم ەلدەرىندە تابيعات اپاتى تىيىلماي تۇر

None
استانا. قازاقپارات - كاناداعا «فيونا» داۋىلى سوعىپ، جولداردى شايىپ، 5 پروۆينتسيانىڭ تۇرعىندارى قاۋىپسىز جەرلەرگە كوشىرىلدى. ال فيليپپين ارالدارىنا «نورۋ» تايفۋنى جەتتى.

ەكپىندى جەلدىڭ جىلدامدىعى ساعاتىنا 185 شاقىرىمنان اسىپ كەتتى.

«فيونا» داۋىلى كاناداعا جەتتى. ەلدىڭ سولتۇستىك- شىعىسىندا الاپات داۋىلدان جارتى ميلليون ءۇي جارىقسىز قالدى. سوڭعى دەرەكتەرگە قاراساق، ەكپىندى جەلدىڭ جىلدامدىعى ساعاتىنا 130 شاقىرىمعا جەتكەن. دۇلەي داۋىل ۇيلەردىڭ شاتىرلارىن ۇشىرىپ، اعاشتاردى سىندىرىپ، جولداردى شايىپ كەتتى.

پەت سميس، جەرگىلىكتى تۇرعىن:

بوب روبيشو، كانادالىق داۋىل ورتالىعىنىڭ مەتەورولوگى:

- ءبىز جۇزدەگەن ادامدى ەۆاكۋاتسيالادىق. قازىر باسپاناسىز قالعان تۇرعىنداردىڭ ۇيلەرىن قالىپقا كەلتىرۋ ماڭىزدى. تۇرعىنداردى الىس جولعا شىقپاۋعا، ساق بولۋعا شاقىرامىز.

«نورۋ» تايفۋنى سوققى بەردى ال فيليپپين ارالدارى «نورۋ» داۋىلىنا توتەپ بەرە المادى. ەلدىڭ سولتۇستىگىندەگى ەكپىندى جەلدىڭ جىلدامدىعى ساعاتىنا 185 شاقىرىمعا جەتكەن. جەرگىلىكتى بيلىك تە ءقازىر قاۋىپ تونگەن لۋسون ارالىنان تۇرعىنداردى كوشىرىپ جاتىر. سينوپتيكتەردىڭ دەرەكتەرىنە سۇيەنسەك، بۇل بيىل فيليپپين ارالىنداعى ەڭ الاپات داۋىل بولىپ ەسەپتەلەدى.

حالىقارالىق اگەنتتىكتەردىڭ حابارلاۋىنشا، قازىر دۇلەي جەل، ەل استاناسى مانيلا جاققا جاقىنداپ كەلەدى.

ماريلەن يۋباتان، جەرگىلىكتى تۇرعىن:

- ءبىز قازىر ەۆاكۋاتسيا ورتالىعىنا بارا جاتىرمىز. تايفۋننىڭ قۋاتى وتە كۇشتى دەيدى. ءبىزدىڭ ءۇي تەڭىز جاعاسىندا ورنالاسقان. باسپاناسىز قالۋدان قورقىپ وتىرمىز. ۇلتتىق پوليسيا وكىلدەرى ازاماتتاردى تابيعي اپاتتان قورعانۋ جولدارىن قاراستىرۋعا شاقىرادى.

ماماندار بولسا، كەيىنگى جىلدارى فيليپپين ارالدارىندا وسىنداي الاپات داۋىلداردىڭ جيىلەپ كەتكەنىن جانە بۇعان عالامدىق جىلىنۋ سەبەپ بولۋى مۇمكىن ەكەنىن ايتادى. وسىنداي تايفۋن ەلدە سوڭعى رەت 9 اي بۇرىن بولعان. اپاتتان 400 دەي ادام وپات بولىپ، جۇزدەگەن تۇرعىن ءۇيسىز قالدى.

www.24.kz

سوڭعى جاڭالىقتار