قايرات ساتىبالدى اسكەري شەنىنەن ايىرىلىپ، مەملەكەتتىك وردەندەردى كەرى قايتارادى

استانا. قازاقپارات - 6 جىلعا سوتتالعان قايرات ساتىبالدى گەنەرال- مايور شەنىنەن ايىرىلىپ، مەملەكەتتىك وردەندەردى كەرى قايتارۋعا مىندەتتەلدى، دەپ حابارلايدى قازاقپارات ءتىلشىسى.

«پرەزيدەنتكە قايرات ساتىبالدىنى ۇلتتىق قاۋىپسىزدىك ورگاندارىنىڭ گەنەرال- مايورى اتاعىنان، سونداي- اق «قۇرمەت» جانە «پاراسات» وردەندەرىنەن ايىرۋ تۋرالى ۇسىنىس ەنگىزىلسىن»، - دەدى استانا قالاسى بايقوڭىر اۋداندىق №2 سوتىنىڭ سۋدياسى نۇرلان باياحمەتوۆ سوت وتىرىسىندا.

بۇعان دەيىن حابارلاعانىمىزداي، بۇگىن قايرات ساتىبالدىعا سوت ۇكىمى شىعىپ، ول 6 جىلعا سوتتالدى.

«كۇدىكتى قايرات ساتىبالدى ۇلىن التى جىلعا باس بوستاندىعىنان ايىرۋ تۋرالى شەشىم قابىلداندى. سونىمەن قاتار جەكە مۇلكى تاركىلەنەدى»، - دەگەن ەدى نۇرلان باياحمەتوۆ ZOOM پلاتفورماسىندا وتكەن سوت وتىرىسىندا.

ق. ساتىبالدى جازاسىن قىلمىستىق- اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەيدى.