16:42, 26 - قىركۇيەك 2022 | GMT +6
قايرات ساتىبالدى ىسىنە قاتىستى سوت ۇكىمى شىقتى
استانا. قازاقپارات - ەلوردادا قايرات ساتىبالدى ىسىنە قاتىستى سوت ۇكىمى شىقتى، دەپ حابارلايدى قازاقپارات ءتىلشىسى.
ءىس استانا قالاسى بايقوڭىر اۋداندىق №2 سوتىندا قارالدى.
«كۇدىكتى قايرات ساتىبالدىنى التى جىلعا باس بوستاندىعىنان ايىرۋ تۋرالى شەشىم قابىلداندى. سونىمەن قاتار ونىڭ جەكە مۇلكى تاركىلەنەدى»، - دەدى سۋديا ZOOM پلاتفورماسىندا وتكەن سوت وتىرىسىندا.
ەسكە سالساق، بيىلعى 15-ناۋرىزدا ەلوردا سوتى قايرات ساتىبالدىنى قاماۋعا الۋ تۋرالى شەشىم شىعاردى.
بۇعان دەيىن حابارلاعانىمىزداي سوت كەزىندە پروكۋرور كۇدىكتى ق. ساتىبالدىنى 6 جىلعا باس بوستاندىعىنان ايىرۋدى سۇراعان ەدى.