دۇنيەجۇزىلىك كوشپەندىلەر ويىنىندا قازاقستان ايەلدەر قۇراماسى دا سايىسقا تۇسەدى
26 قىركۇيەك, 14:52

دۇنيەجۇزىلىك كوشپەندىلەر ويىنىندا قازاقستان ايەلدەر قۇراماسى دا سايىسقا تۇسەدى

استانا. قازاقپارات - تۇركيادا وتەتىن IV دۇنيەجۇزىلىك كوشپەندىلەر ويىندارىندا قازاق كۇرەسىنەن تۇڭعىش رەت قازاقستان ايەلدەر قۇراماسى سايىسقا تۇسەدى.

مۇنى ورتالىق كوممۋنيكاتسيالار قىزمەتىندە وتكەن بريفينگتە سپورت جانە دەنە شىنىقتىرۋ كوميتەتىنىڭ ءتوراعاسى سامات ەرعاليەۆ ءمالىم ەتتى، دەپ حابارلايدى قازاقپارات ءتىلشىسى.

«سايىس تۇركيانىڭ يزنيك قالاسىندا وتەدى. وعان قازاقستان اتىنان جالپى 80-گە جۋىق دەلەگات قاتىسادى. ونىڭ ىشىندە 49 سپورتشى بار. بۇل سپورتشىلاردىڭ 50 پايىزى مەملەكەت بولگەن قارجى ەسەبىنەن، ال قالعان 50 پايىزى ۇيىمداستىرۋشى تاراپتىڭ ەسەبىنەن بارادى. سونىمەن قاتار، ءبىز قازاق كۇرەسىنەن تۇڭعىش رەت ايەلدەر قۇراما كومانداسىن دا الىپ بارا جاتىرمىز. 3 سپورتشى ايەل بولادى»، - دەپ اتاپ ءوتتى سامات ەرعاليەۆ.

ەسكە سالايىق، 29-قىركۇيەك پەن 4-قازان ارالىعىندا تۇركيانىڭ يزنيك قالاسىندا IV دۇنيەجۇزىلىك كوشپەندىلەر ويىندارى وتەدى.

قوسا كەتسەك، ۇلتتىق جانە ات سپورتى تۇرلەرى ورتالىعىنىڭ ديرەكتورى باقداۋلەت ءسابيتوۆ دۇنيەجۇزىلىك كوشپەندىلەر ويىندارىندا قازاقستاندىق توپ قاي سايىستان جۇلدە الۋى مۇمكىن ەكەنىنە بولجام جاساعان بولاتىن.

جاڭالىقتار