دۇنيەجۇزىلىك كوشپەندىلەر ويىنى: قازاقستاندىقتار سپورتتىڭ قاي تۇرىنەن جۇلدە الۋى مۇمكىن

استانا. قازاقپارات - تۇركيادا وتەتىن IV دۇنيەجۇزىلىك كوشپەندىلەر ويىندارىندا قازاقستان قۇراماسى سپورتتىڭ 5 تۇرىنەن سايىسقا تۇسەدى.

ورتالىق كوممۋنيكاتسيالار قىزمەتىندە وتكەن بريفينگتە ۇلتتىق جانە ات سپورتى تۇرلەرى ورتالىعىنىڭ ديرەكتورى باقداۋلەت ءسابيتوۆ قازاقستاندىق توپ قاي سايىستان جۇلدە الۋى مۇمكىن ەكەنىنە بولجام جاسادى، دەپ حابارلايدى قازاقپارات ءتىلشىسى.

«نەگىزى 4 سپورتتان باق سىنايمىز. ال بەسىنشىسى رەتىندە قىرعىز سپورتىنىڭ ءبىر ءتۇرى «كوكبورى» دەگەنگە دە كوماندا قويىپ وتىرمىز. جالپى 5 سپورت تۇرىنەن ءبىزدىڭ قاتىسۋشىلارىمىز، شاباندوزدارىمىز، ساداقشىلارىمىز - «سەن تۇر، مەن اتايىن» دەگەن ازاماتتار مەن ازاماتشالار. سوندىقتان ءبىز بارلىعىنان دا ۇلكەن ءۇمىت كۇتەمىز. جەڭىستى 1-2-ورىنداردان كورىنىپ قالارمىز»، - دەدى سپيكەر.

ەسكە سالايىق، 29-قىركۇيەك پەن 4-قازان ارالىعىندا تۇركيانىڭ يزنيك قالاسىندا IV دۇنيەجۇزىلىك كوشپەندىلەر ويىندارى وتەدى.