10:54, 26 - قىركۇيەك 2022 | GMT +6
شارل ميشەل رەسەيدى قاۋىپسىزدىك كەڭەسىنىڭ قۇرامىنان شىعارۋدى ۇسىندى
نۇر-سۇلتان. قازاقپارات - ەۋروپا كەڭەسىنىڭ ءتوراعاسى شارل ميشەل رەسەيگە قاتىستى وسىنداي مالىمدەمە جاسادى، دەپ حابارلايدى «حابار 24».
ول رەسەيدى ب ۇ ۇ قاۋىپسىزدىك كەڭەسىنىڭ قۇرامىنان شىعارۋدى ۇسىندى. «ب ۇ ۇ قاۋىپسىزدىگى كەڭەسىنىڭ تۇراقتى مۇشەسى جوق جەردەن سوعىس باستاسا، ونىڭ ب ۇ ۇ قاۋىپسىزدىك كەڭەسىنە مۇشەلىگى اۆتوماتتى تۇردە توقتاتىلۋى ءتيىس»، - دەدى ول ب ۇ ۇ باس اسسامبلەياسىنىڭ سەسسياسىندا سويلەگەن سوزىندە.
بۇعان دەيىن ۋكراينا پرەزيدەنتى ۆلاديمير زەلەنسكي دە رەسەيدى قاۋىپسىزدىك كەڭەسى مەن ب ۇ ۇ- نىڭ وزگە قۇرىلىمدارىنان شىعارۋعا ۇندەگەن ەدى.
ايتا كەتەيىك، قاۋىپسىزدىك كەڭەسىنە رەسەيمەن قاتار ۇلى بريتانيا، ا ق ش، قىتاي جانە فرانسيا تۇراقتى مۇشە.
www.24.kz