ترامپتى باس پروكۋرور سوتقا بەردى - ا ق ش

نۇر-سۇلتان. قازاقپارات - وسى اپتادا نيۋ- يوركتىڭ باس پروكۋرورى لەتيتسيا دجەيمس دونالد ترامپتى ءۇش بالاسىمەن قوسىپ سوتقا بەردى.

ا ق ش- تىڭ بۇرىنعى پرەزيدەنتى 2011 - 2021 -جىلدار ارالىعىندا قارجىلىق ەسەپ بەرگەندە الاياقتىق جاساعان دەپ ايىپتاپ وتىر. جالعان اقپارات بەرىپ سالىقتان جالتاردى، اكتيۆتەرىن قوماقتى ەتىپ كورسەتىپ ارزان نەسيە الدى، دەيدى.

214 بەتتەن تۇراتىن پروكۋروردىڭ ايىبىندا ترامپتىڭ ءۇش ۇلكەن بالاسىنىڭ دا اتى- ءجونى بار. ولار كومپانيانىڭ بۇرىنعى ديرەكتورى اللەن ۆايسسەلبەرگپەن بىرگە تەرگەۋگە شاقىرىلعان. باس پروكۋروردىڭ ايتۋىنشا 23 اكتيۆتىڭ قۇنى شەكتەن تىس جوعارى كورسەتىلگەن جانە ونىڭ كەڭسەسى وسىعان ۇقساس 200-گە جۋىق مالىمەت تاپقانىن ايتىپ وتىر.

ءبىراق رەسپۋبليكاشىل دونالد ترامپ دەموكرات پروكۋروردىڭ ايىپتارىمەن كەلىسپەيدى.

دونالد ترامپ، ا ق ش- تىڭ بۇرىنعى پرەزيدەنتى:

- بۇكىل ۋاقىتىڭدى مەنىڭ ىزىمە ءتۇسىپ كەتىرگەنشە، ويلان. يۆانكا وتە جاقسى ادام. ۇلىم - كىشى دون دا، ەريك تە جاقسى ادامدار. شەكتەن شىققان، راديكالدى دجەيمس نيۋ- يوركتى قۇرتىپ جاتقان باسكەسەرلەر مەن قارۋ- جاراق ساتۋشىلارىنىڭ ىزىنە ءتۇسۋى كەرەك ودان دا.

قاراشادا امەريكا حالقى ءوز تاڭداۋىن جاساپ، قازىرگى ساياسي توپقا كىمنىڭ- كىم ەكەنىن كورسەتەدى دەيدى دونالد ترامپ.

ەستەرىڭىزە سالايىن، قاراشانىڭ 8- كۇنى ا ق ش كونگرەسىنىڭ سايلاۋى وتەدى. بۇل پرەزيدەنت سايلاۋىنىڭ الدىندا بولاتىن، ارالىق سايلاۋ دەپ اتالادى. نەگىزگى تارتىس دەموكراتتار مەن رەسپۋبليكاشىلار اراسىندا وتەدى. سوندىقتان وسى ساياسي كەزەڭدە رەسپۋبليكاشىلار بارىنشا كوپ داۋىس جيناۋعا تىرىساتىنى انىق. ا ق ش- تىڭ بۇرىنعى پرەزيدەنتى دە سوعان ءۇمىت ارتىپ تۇرعانى بايقالادى. ويتكەنى ول 2024 -جىلى ەكىنشى قايتا پرەزيدەنتتىك سايلاۋعا ءتۇسۋدى جوسپارلاپ جۇرگەن ايتقان بولاتىن.

www.24.kz