شۋ قالاسىندا جاپپاي اتىستا ءتورت جىگىتتى جارالاپ، بىرەۋىن ولتىرگەن كۇدىكتىلەر ۇستالدى - ۆيدەو

شۋ. قازاقپارات - شۋداعى اتىسقا قاتىسى بار كۇدىكتىلەر قاماۋعا الىندى. پوليتسيا قىزمەتكەرلەرى وقيعاعا قاتىسقانداردىڭ ءبارى انىقتالدى، دەپ حابارلايدى قازاقپارات.

اتالعان دەرەك بويىنشا قىلمىستىق كودەكستىڭ 99-بابىنىڭ 2-بولىگى 1-تارماعىمەن سوتقا دەيىنگى تەرگەۋ امالدارى باستالدى.

وقيعانىڭ ەكى بەلسەندى قاتىسۋشىسى - 22 جانە 27 جاستاعى شۋ قالاسىنىڭ تۇرعىندارى ۋاقىتشا ۇستاۋ يزولياتورىنا قامالدى، ءۇشىنشى كۇدىكتىگە قاتىستى تەرگەۋ ءجۇرىپ جاتىر.

ناتيجەسىنە سايكەس قاماققا الۋ ماسەلەسى قارالادى.

سونداي-اق تاعى ءبىر كۇدىكتىگە حالىقارالىق ىزدەۋ جاريالاندى.

جامبىل وبلىسى پ د باستىعىنىڭ ورىنباسارى الماس سالاماتوۆتىڭ ايتۋىنشا، كەشە كەشكە شۋ اۋدانىنىڭ ورتالىق اۋرۋحاناسىنا 23، 25، 26 جاستاعى ءتورت جىگىت جەتكىزىلگەن.

تورتەۋى دە اتىس قارۋىنان اۋىر جاراقات العان.

ەسكە سالا كەتەيىك، ونىڭ بىرەۋى اۋرۋحانادا كوز جۇمدى.