قازاقستاندا اپتا ىشىندە بولعان كادرلىق تاعايىنداۋلار

استانا. قازاقپارات - وسى اپتادا ەلىمىزدىڭ جەرگىلىكتى اتقارۋشى ورگاندارى مەن مينيسترلىكتەرىندە، سوت جۇيەسىندە ءبىرقاتار كادرلىق اۋىس- ءتۇيىس بولدى. اتاپ ايتقاندا، قالا مەن اۋدان اكىمدەرى جاڭا قىزمەتكە تاعايىندالدى، دەپ حابارلايدى قازاقپارات ءتىلشىسى.

***

سەرىك كەڭەس ۇلى ءاشىروۆ ق ر پرەمەر- ءمينيسترى پروتوكولىنىڭ باستىعى بولىپ تاعايىندالدى.

***

اقمولا وبلىستىق سوتىنىڭ ءتوراعاسى قىزمەتىنە ارمان جۇكەنوۆ تاعايىندالدى.

ا. جۇكەنوۆ سوت جۇيەسىندە 16 جىلدان استام ۋاقىت جۇمىس ىستەيدى. جوعارعى سوتتا، الماتى، استانا قالالارىنىڭ سوتتارىندا قىزمەت اتقارعان.

ايتا كەتسەك، ارمان سەرىكتاي ۇلى جۇكەنوۆ 1983 -جىلى اباي وبلىسىندا دۇنيەگە كەلگەن. ءال- فارابي اتىنداعى قازاق ۇلتتىق ۋنيۆەرسيتەتىن «قۇقىق تانۋ» ماماندىعى بويىنشا بىتىرگەن. قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ سوت تورەلىگى ينستيتۋتىندا ءبىلىم العان.

***

وسى اپتادا جەتىسۋ وبلىستىق سوتىنىڭ جاڭا ءتوراعاسى رەتىندە ەرجان كەنەنبايەۆ تانىستىرىلدى. بۇعان دەيىن ول الماتى قالالىق سوتىنىڭ سۋدياسى قىزمەتىن اتقارعان.

ەرجان ءابدىراقىم ۇلى 1964 -جىلى الماتى وبلىسىندا دۇنيەگە كەلگەن. ءال- فارابي اتىنداعى قازاق مەملەكەتتىك ۋنيۆەرسيتەتىن «قۇقىق تانۋ» ماماندىعى بويىنشا بىتىرگەن.

1992-2007 -جىلدارى الماتى قالاسىنىڭ پروكۋراتۋرا ورگاندارى مەن ءتۇرلى مەكەمەلەردە زاڭگەر بولىپ قىزمەت اتقارعان. 2007-2014 -جىلدارى الماتى وبلىسى پانفيلوۆ اۋداندىق سوتىنىڭ سۋدياسى بولدى.

***

اسقار ءابدىعالي ۇلى بەگمانوۆ قازاقستان رەسپۋبليكاسى ساۋدا جانە ينتەگراتسيا مينيسترلىگى اپپاراتىنىڭ باسشىسى قىزمەتىنە تاعايىندالدى.

اسقار بەگمانوۆ 1975 -جىلى الماتى قالاسىندا دۇنيەگە كەلگەن. قازاق مەملەكەتتىك زاڭ ۋنيۆەرسيتەتىن، حالىقارالىق ماماندىقتار ينستيتۋتىن، ا. مىرزاحمەتوۆ اتىنداعى كوكشەتاۋ ۋنيۆەرسيتەتىن ءتامامداعان. ەڭبەك جولىن 1997 -جىلى الماتى قالاسى تۇركسىب اۋدانى پروكۋرورىنىڭ قۇقىقتىق ستاتيستيكا جانە اقپارات جونىندەگى كومەكشىسى بولىپ باستادى. 2021 -جىلعى قازاننان باستاپ قازىرگى ۋاقىتقا دەيىن ق ر باسەكەلەستىكتى قورعاۋ جانە دامىتۋ اگەنتتىگىندە دەپارتامەنت ديرەكتورى بولدى.

***

ق ر ۇكىمەتىنىڭ قاۋلىسىمەن يران شارحان ۇلى شارحان قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ۆيتسە- ءمينيسترى بولىپ تاعايىندالدى.

يران شارحان 1987 -جىلى 18-قىركۇيەكتە اقتوبە وبلىسى العا قالاسىندا دۇنيەگە كەلگەن. 2009 -جىلى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىن، 2012 -جىلى قازاق ەكونوميكاسى، قارجى جانە حالىقارالىق ساۋدا ۋنيۆەرسيتەتىن بىتىرگەن. ەڭبەك جولىن 2008 -جىلى اقتوبە قالاسى، «يران» ج ش س ماركەتينگ جونىندەگى باس مامانى رەتىندە باستاعان. 2021 -جىلدىڭ-قىركۇيەگىنەن باستاپ بۇگىنگى كۇنگە دەيىن ق ر ي ي د م قاتتى پايدالى قازبالار بويىنشا جەر قويناۋىن پايدالانۋ دەپارتامەنتىنىڭ ديرەكتورى بولدى.

***

قورعانىس ءمينيسترىنىڭ بۇيرىعىمەن مەدەت ءشارىپحان ۇلى دۇيسەمبايەۆ «قازاقستان گ ا ج ورتالىعى» ا ق باسقارما ءتوراعاسى بولىپ تاعايىندالدى.

مەدەت دۇيسەمبايەۆ قازاقستان- بريتان تەحنيكالىق ۋنيۆەرسيتەتىنىڭ، قازاقستان گۋمانيتارلىق- زاڭ يننوۆاتسيالىق ۋنيۆەرسيتەتىنىڭ، ۋوريك ۋنيۆەرسيتەتىنىڭ ( ۇلى بريتانيا) جانە مادريدتەگى حالىقارالىق بيزنەس مەكتەبىنىڭ تۇلەگى.

ەڭبەك جولىن 2008 -جىلى مۇناي- حيميا جانە مۇناي- گاز سالالارىندا ينجەنەرلىك- تەحنيكالىق پوزيتسيالاردا باستادى.

2019 -جىلى ول پرەزيدەنتتىك جاستار كادر رەزەرۆىنە الىندى.

***

ق ر پرەزيدەنتى اكىمشىلىگىنىڭ جانە اۋداندىق ءماسليحاتىنىڭ كەلىسىمىمەن، جامبىل وبلىسى اكىمىنىڭ وكىمىمەن تالاس اۋدانىنىڭ اكىمى بولىپ جۇنىسبەكوۆ نۇربول ءابدىماجيت ۇلى تاعايىندالدى.

ن. ءابدىماجيت ۇلى 1981 -جىلى تۋعان. ءبىلىمى جوعارى. 2003 -جىلى م. دۋلاتي اتىنداعى تاراز مەملەكەتتىك ۋنيۆەرسيتەتىن «مۇناي جانە گاز كەنىشتەرىن يگەرۋ جانە پايدالانۋ» ، 2007 -جىلى ا. ياساۋي اتىنداعى حالىقارالىق قازاق- تۇرىك ۋنيۆەرسيتەتىن «قارجى»، 2011 -جىلى جامبىل گۋمانيتارلىق- تەحنيكالىق ۋنيۆەرسيتەتىن «دەنە شىنىقتىرۋ جانە سپورت» ماماندىقتارى بويىنشا بىتىرگەن.

2017 -جىلعى-قىركۇيەكتەن باستاپ جامبىل وبلىسى اكىمدىگىنىڭ دەنە شىنىقتىرۋ جانە سپورت باسقارماسىنىڭ باسشىسى لاۋازىمىندا ەڭبەك ەتىپ كەلدى.

***

جەتىسۋ وبلىسى كەربۇلاق اۋدانىنىڭ اكىمى قىزمەتىنە قانات بولات ۇلى ەسبولاتوۆ تاعايىندالدى.

ق. ەسبولاتوۆ 1982 -جىلى تۋعان، ءبىلىمى جوعارى. د. قونايەۆ اتىنداعى ۋنيۆەرسيتەتتى «يۋريسپرۋدەنتسيا»، قازاق ۇلتتىق اگرارلىق ۋنيۆەرسيتەتىن «مەملەكەتتىك باسقارۋ» ماماندىقتارى بويىنشا بىتىرگەن. ەڭبەك جولىن الماتى وبلىسى ەسكەلدى اۋدانىندا «دوسانوۆ ك. س.» شارۋا قوجالىعى ءتوراعاسىنىڭ ورىنباسارى بولىپ باستاعان. 2022 اقپانىنان بەرى الماتى وبلىسىنىڭ اۋىل شارۋاشىلىعى باسقارماسىنىڭ باسشىسى قىزمەتىندە بولدى.

***

قاراعاندى وبلىسىنىڭ شاحتينسك قالاسىنا جاڭا اكىم تاعايىندالدى. بۇل مىندەتتى ەندى مۇرات قىدىرعانبەكوۆ اتقارادى.

بۇعان دەيىن ول قاراعاندى وبلىسىنىڭ ونەركاسىپ جانە يندۋستريالدى- يننوۆاتسيالىق دامۋ باسقارماسىن باسقارعان.

***

ق ر پرەزيدەنتى اكىمشىلىگىنىڭ جانە اۋداندىق ءماسليحات دەپۋتاتتارىنىڭ كەلىسىمى بويىنشا قاراعاندى وبلىسى بۇقار جىراۋ اۋدانىنىڭ اكىمى بولىپ نۇركەن سايفيددين ۇلى كوبجانوۆ تاعايىندالدى.

بۇعان دەيىن ول وساكاروۆ اۋدانىن باسقارعان بولاتىن. نۇركەن كوبجانوۆ مەملەكەتتىك قىزمەتتە شامامەن 15 جىل جۇمىس اتقارىپ كەلەدى.

***

ق ر پرەزيدەنتى اكىمشىلىگىنىڭ جانە اۋداندىق ءماسليحات دەپۋتاتتارىنىڭ كەلىسىمى بويىنشا قاراعاندى وبلىسى وساكاروۆ اۋدانىنىڭ اكىمى قىزمەتىنە رۋسلان ەسەنبەك ۇلى نۇرمۇحانبەتوۆ تاعايىندالدى.

بۇعان دەيىن ول وسى اۋداندا اكىمنىڭ ورىنباسارى بولىپ جۇمىس ىستەگەن.

رۋسلان نۇرمۇحانبەتوۆ مەملەكەتتىك قىزمەتتە 16 جىلدان استام ۋاقىت جۇمىس اتقارىپ كەلەدى. ەڭبەك جولىن 2005 -جىلى وساكاروۆ اۋدانى مولودەجنىي كەنتى اكىمى اپپاراتىنىڭ مامانى بولىپ باستاعان.

***

ەكولوگيا، گەولوگيا جانە تابيعي رەسۋرستار مينيسترلىگىنىڭ بۇيرىعىمەن ماقسات ەلەمەسوۆ اباي وبلىسى بويىنشا وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى لاۋازىمىنا تاعايىندالدى.

ماقسات مۇرات ۇلى 1975 -جىلى 15-اقپاندا سەمەي وبلىسى بەسقاراعاي اۋدانى بولشايا- ۆلاديميروۆكا اۋىلىندا دۇنيەگە كەلگەن. قازاق مەملەكەتتىك اگرارلىق ۋنيۆەرسيتەتىن «ورمان جانە باق- ساياباق شارۋاشىلىعى» ماماندىعى بويىنشا ءتامامداعان.

ەڭبەك جولىن شىعىس قازاقستان وبلىسى بەسقاراعاي اۋدانىنىڭ كانونەركا ورمان شارۋاشىلىعى وندىرىستىك كاسىپورنىندا جۇمىسشى بولىپ باستادى.

***

شىعىس قازاقستان ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى تاعايىندالدى.

بۇل لاۋازىمعا قايرات مەيرەمبەكوۆ بەكىتىلدى. ق. امانگەلدى ۇلى 1964 -جىلى سەمەي وبلىسى اياگوز قالاسىندا دۇنيەگە كەلگەن. ءسىبىر ورمان تەحنيكالىق ينستيتۋتىن، ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن، ماماندىعى ورمان شارۋاشىلىعى ينجەنەرى، ەكونوميست.

2014 -جىلدان 2022 -جىلعا دەيىن ق ر پرەمەر- ءمينيسترى كەڭسەسىنىڭ باس كەڭەسشىسى، باس ينسپەكتورى بولدى.

***

ەكولوگيا، گەولوگيا جانە تابيعي رەسۋرستار مينيسترلىگىنىڭ بۇيرىعىمەن زاكاريا ەسبولات ۇلى تۇرالييەۆ ۇلىتاۋ وبلىسى بويىنشا ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى لاۋازىمىنا تاعايىندالدى.

زاكاريا ەسبولات ۇلى 1967 -جىلى باتىس قازاقستان وبلىسىندا دۇنيەگە كەلگەن. ماماندىعى - مەملەكەتتىك جانە جەرگىلىكتى باسقارۋ، ورمان شارۋاشىلىعى ينجەنەرى.

2015 -جىلدان 2022 -جىلدىڭ-قىركۇيەك ايىنا دەيىن باتىس قازاقستان وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى باسشىسىنىڭ ورىنباسارى قىزمەتىندە بولدى.

***

الماتى وبلىستىق تابيعي مونوپوليالاردى رەتتەۋ دەپارتامەنتنىڭ باسشىسى بولىپ بارلىق تورەحانوۆ تاعايىندالدى.

بارلىق ادەپحان ۇلى 1979 -جىلى الماتى وبلىسىندا تۋعان. 2012 -جىلى مەملەكەتتىك باسقارۋ اكادەمياسى جانىنداعى مەملەكەتتىك ساياسات ۇلتتىق مەكتەبىن، 2013 -جىلى «قوعامدىق ساياسات جانە مەنەدجمەنت» ماماندىعى بويىنشا ديۋك ۋنيۆەرسيتەتىن (سولتۇستىك كارولينا شتاتى، ا ق ش) ءتامامداعان. 2022 -جىلدىڭ ماۋسىمىنان باستاپ وسى ۋاقىتقا دەيىن جامبىل وبلىسىنىڭ تابيعي مونوپوليالاردى رەتتەۋ دەپارتامەنتى باسشىسىنىڭ ورىنباسارى قىزمەتىن اتقارىپ كەلگەن.

***

ولجاس اعابەكوۆ «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» ك ە ا ق باسقارما ءتوراعاسى لاۋازىمىنا تاعايىندالدى.

ولجاس اعابەكوۆ 1984 -جىلى 30 شىلدە كۇنى قاراعاندى وبلىسى، بالقاش قالاسىندا دۇنيەگە كەلگەن. قازاق گۋمانيتارلىق زاڭ ۋنيۆەرسيتەتىن «قۇقىق تانۋ» ماماندىعى بويىنشا بىتىرگەن. ەڭبەك جولىن 2007 -جىلى «مۇناي ساقتاندىرۋ كومپانياسى» ا ق- دا مەنەدجەر لاۋازىمىنان باستاعان.

***

مەيىرجان الىبەك ۇلى «جەتىنشى ارنا» باس ديرەكتورىنىڭ قوعامدىق- ساياسي ماسەلەلەر جونىندەگى ورىنباسارى لاۋازىمىنا تاعايىندالدى.

مەيىرجان الىبەك ۇلى ءال- فارابي اتىنداعى قازاق ۇلتتىق ۋنيۆەرسيتەتىنىڭ «جۋرناليستيكا» فاكۋلتەتىن ءتامامداعان.

ب ا ق سالاسىندا 17 جىلدان بەرى قىزمەت ەتىپ كەلە جاتقان تاجىريبەلى مەديامەنەدجەر. ەڭبەك جولىن 2005 -جىلى «اتىراۋ» وبلىستىق تەلەارناسىنىڭ «جاڭالىقتار» باعدارلاماسىندا رەداكتور- جۇرگىزۋشى رەتىندە باستاعان.

***

الەنا گورباچەۆا «جەتىنشى ارنا» باس ديرەكتورىنىڭ اقپارات تاراتۋ ماسەلەسى بويىنشا ورىنباسارى قىزمەتىنە تاعايىندالدى.

الەنا گورباچەۆا - تاجىربيەلى مەديامەنەدجەر، ب ا ق سالاسىندا 16 جىلدان بەرى جۇمىس ىستەپ كەلەدى. قىزمەت جولىن 2007 -جىلى «استانا» ارناسىندا حالىقارالىق ءبولىمنىڭ رەداكتورى بولىپ باستادى.

***

قازاقستاننىڭ 16 وڭىرىندە بالا قۇقىقتارى جونىندەگى ۋاكىل تاعايىندالدى.

استانا جانە شىمكەنت قالالارىندا، سونداي- اق ماڭعىستاۋ، تۇركىستان، اقتوبە، شىعىس قازاقستان، قوستاناي، باتىس قازاقستان، جەتىسۋ، جامبىل، پاۆلودار، قاراعاندى، سولتۇستىك قازاقستان، اقمولا، اباي، الماتى وبلىستارىندا بالالاردىڭ قۇقىقتارىن قورعاۋ جونىندەگى ۋاكىلدەر تاعايىندالدى. ال قالعان 4 وبلىستا كانديداتتار ءتىزىمى ءالى قارالىپ جاتىر.

بالا قۇقىقتارى جونىندەگى ۋاكىلدەردىڭ ءتىزىمى:

بيمەندينا ءاسيما تەمكەن قىزى (استانا ق. )

بولاتبايەۆا تىلەكتەس امانقوس قىزى (ماڭعىستاۋ وبلىسى)

ۆەروتسكايا گۇلجان ەرالى قىزى (تۇركىستان وبلىسى)

ەدىل قوناي ۇلى (اقتوبە وبلىسى)

كالەنوۆا اكسانا الەكساندروۆنا (شىعىس قازاقستان وبلىسى)

امانقۇلوۆا ارايلىم جۇماعالي قىزى (قوستاناي وبلىسى)

وتەبالييەۆا شاتتىق سامات قىزى (باتىس قازاقستان وبلىسى)

سيسەكەنوۆا رايحان مارات قىزى (جەتىسۋ وبلىسى)

باعجانوۆ داۋرەن ورال ۇلى (جامبىل وبلىسى)

پوكيدوۆا ناتاليا سەرگەيەۆنا (پاۆلودار وبلىسى)

جازىقبايەۆا جاننەتا قاناي قىزى (شىمكەنت ق. )

كيسەليەۆا يرينا بولەسلاۆوۆنا (قاراعاندى وبلىسى)

سۇراعانوۆا ساۋلە قۋاندىق قىزى (سولتۇستىك قازاقستان وبلىسى)

اساينوۆا اسەم انۋاربەك قىزى (اقمولا وبلىسى)

ەسىمبەكوۆا ايگۇل قانات قىزى (الماتى وبلىسى)

ءجۇنىسوۆا ەلزيرا اۋەسحان قىزى (اباي وبلىسى)

***

ايتا كەتەيىك، ورتالىق ازيا ەلدەرى كاسىپوداقتارى كەڭەسى (و ا ە ك ك) مۇشەلەرىنىڭ ءبىراۋىزدان قابىلدانعان شەشىمىمەن قازاقستان رەسپۋبليكاسى كاسىپوداقتار فەدەراتسياسىنىڭ ءتوراعاسى ساتىبالدى داۋلەتالين وسى ۇيىمنىڭ باس حاتشىسى بولىپ سايلاندى.

ەسكە سالايىق، ورتالىق ازيا ەلدەرىنىڭ كاسىپوداقتار كەڭەسى 2021 -جىلدىڭ قاراشاسىندا ءۇش مەملەكەتتىڭ - قازاقستان، تاجىكستان جانە وزبەكستاننىڭ ءىرى كاسىپوداق بىرلەستىكتەرىن بىرىكتىرۋ تۋرالى بىرلەسكەن شەشىمنەن كەيىن قۇرىلعان بولاتىن.