ستۋدەنتتەرگە ارنالعان جاتاقحانالاردا تولەماقىنىڭ ءوسۋى سەبەبى بەلگىلى بولدى
«بيىلعى وقۋ جىلىندا ۋنيۆەرسيتەت جاتاقحاناسىندا تۇرۋ قۇنى عيماراتتى كۇتىپ ۇستاۋ، قىزمەت كورسەتۋ شىعىندارىنا وراي ءوستى. بۇل تۇرعىدا قۇرىلىس زاتتارى قۇنىنىڭ ءوسىمىن، كۇردەلى جوندەۋ، قىزمەتكەرلەردىڭ ەڭبەكاقى قورى، كوممۋنالدىق قىزمەتتەر، دەراتيزاتسيا/دەزينفەكتسيا جۇمىستارىن ەسكەرۋ كەرەك»، - دەلىنگەن مينيسترلىكتىڭ قازاقپارات اگەنتتىگىنە بەرگەن مالىمەتىندە.
ۆەدومستۆو اقپاراتىنا قاراعاندا، اكادەميالىق ەركىندىك اياسىندا ج و و قۇزىرەتىنە وقۋ پروتسەسىن جۇزەگە اسىرۋ، كادرلاردى ىرىكتەۋ ءارى ورنالاستىرۋ، سونداي- اق عىلىمي، قارجىلىق- شارۋاشىلىق جانە قازاقستان زاڭناماسىندا بەلگىلەنگەن باسقا دا قىزمەت كىرەدى.
سونىمەن قاتار، قىزمەتتىڭ اشىقتىعى مەن وبەكتيۆتىلىگىن قامتاماسىز ەتۋ ءۇشىن ۋنيۆەرسيتەتتەردە كورپوراتيۆتىك باسقارۋ جۇيەسى - ديرەكتورلار كەڭەسى ەنگىزىلدى. وسىعان دەيىن ۋنيۆەرسيتەت رەكتورى جەكە شەشىم قابىلداۋ قۇقىعىنا يە بولسا، ەندى كورپوراتيۆتىك باسقارۋ ەنگىزىلگەننەن كەيىن رەكتور ورىنداۋشى بولىپ سانالادى، ياعني ستراتەگيالىق شەشىمدەردى ديرەكتورلار كەڭەسى قابىلدايدى. جاتاقحانادا تۇرۋ قۇنىنا قاتىستى شەشىمدى دە ديرەكتورلار كەڭەسى قاراستىرادى.
بۇدان بۇرىن حابارلانعانداي، بيىل قازاقستاندا ستۋدەنتتەرگە ارنالعان 6 جاتاقحانا سالىندى.