ەلورداداعى پرەزيدەنت ساياباعىندا قايىڭ توعايى پايدا بولدى - فوتو

استانا. قازاقپارات - «بىرگە تازا قازاقستان» كۇزگى ەكولوگيالىق ايلىعى جانە جالپى قالالىق سەنبىلىك اياسىندا پرەزيدەنت ساياباعىندا قايىڭ توعايى پايدا بولدى، دەپ حابارلايدى قالا اكىمدىگىنىڭ رەسمي سايتى.

جالپى قالالىق سەنبىلىك كەزىندە پرەزيدەنت ساياباعى اۋماعىندا 400-گە جۋىق اعاش وتىرعىزىلدى. ونىڭ ىشىندە ءسىبىر شىرشاسى - 150 دانا، قايىڭ - 250 دانا.

اعاش وتىرعىزۋ ءىس- شاراسىنا قالا ءماسليحاتىنىڭ دەپۋتاتتارى، اكىمدىك، Amanat پارتياسىنىڭ وكىلدەرى، ەلوردانىڭ قوعامدىق كەڭەسىنىڭ، رۋحاني- ءدىني بىرلەستىكتەردىڭ مۇشەلەرى، ۋسپەن سوبورىنىڭ، ارداگەرلەر كەڭەسىنىڭ، بەيبىتشىلىك جانە كەلىسىم سارايىنىڭ، تاۋەلسىزدىك سارايىنىڭ، «جاس سارباز» اسكەري- پاتريوتتىق كلۋبىنىڭ قىزمەتكەرلەرى، س پورتشىلار، ارتىستەر مەن ەرىكتىلەر قاتىستى.

«بۇگىن ءبىز سەنبىلىككە، اعاش وتىرعىزۋعا قاتىستىق، بەيبىتشىلىك جانە كەلىسىم سارايىنىڭ جانىنداعى ساياباققا 400 اعاش وتىرعىزدىق، وسى شارانى قالالىق اكىمدىك پەن اۋداندىق اكىمدىكتەر ۇيىمداستىردى. ەكىنشى جىل قاتارىنان قالامىزدى كوگالداندىرۋعا قاتىسىپ كەلەمىز»، - دەدى كوركەم گيمناستيكادان حالىقارالىق دارەجەدەگى سپورت شەبەرى، قالالىق فەدەراتسيانىڭ ۆيتسە- پرەزيدەنتى جانە گيمناستيكا مەكتەبىنىڭ ديرەكتورى اننا اليابيەۆا.

سونداي-اق، قالانىڭ بارلىق اۋداندارىندا جالپى اۋدانى 2,8 ميلليون شارشى مەتردەن استام ساياباقتار مەن گۇلزارلار تازارتىلىپ، مىڭعا جۋىق اعاش وتىرعىزىلدى. ەلوردالىق پوليگونعا 460 تونناعا جۋىق قالدىق جينالىپ، شىعارىلدى.

سەنبىلىك قىسقى كەزەڭگە دايىندىققا جانە اباتتاندىرۋ، كوگالداندىرۋ جانە سانيتارلىق تازالاۋ جۇمىستارىن جۇرگىزۋگە باعىتتالعان. قوعامنىڭ نازارىن ەكولوگيالىق مادەنيەتتى قالىپتاستىرۋ مەن تابيعاتتى ساقتاۋدىڭ ماڭىزدىلى عىنا اۋدارۋ باستى ماقسات بولىپ تابىلادى.

سەنبىلىككە 27 مىڭنان استام ادام قاتىستى، ولاردىڭ ىشىندە اۋداندىق اكىمدىكتەر، كوممۋنالدىق كاسىپورىندار، تۇرعىندار، ستۋدەنتتەر، ەرىكتىلەر، ەكواكتيۆيستەر، پيك جانە ميب ۇجىمدارى جانە مەملەكەتتىك مەكەمەلەردىڭ قىزمەتكەرلەرى، سونداي- اق 2,5 مىڭعا جۋىق كاسىپورىندار مەن ۇيىمدار بار.

سونداي- اق، ەلوردا تۇرعىندارى مەن ۇيىمدارى ايلىق كەزىندە تۇرعىن ءۇي ايماقتارى مەن اۋلا اۋماقتارىن سانيتارلىق تازالاۋ جۇمىستارىن جۇرگىزۋگە شاقىردى.

ەستەرىڭىزگە سالا كەتەيىك، «بىرگە تازا قازاقستان» ەكولوگيالىق ايلىعى اياسىندا 4 كوممۋنالدىق سەنبىلىك وتەدى، ءار سەنبى سايىن 15 قازانعا دەيىن 10 مىڭنان استام جاسىل جەلەك وتىرعىزۋ جوسپارلانعان.

رەداكتور

ەربول جانات