قاراعاندىدا اتىس بولىپ، وقيعا ۆيدەوسى الەۋمەتتىك جەلىلەردە تارادى

قاراعاندى. قازاقپارات - الەۋمەتتىك جەلىلەردە كەشە قاراعاندىدا بولعان اتىستىڭ ۆيدەوسى تارادى، دەپ حابارلايدى قازاقپارات ءتىلشىسى.

كوشەدەگى بەينەباقىلاۋ كامەرالارىنان الىنعان ۆيدەودان بەلگىلى بولعانداي، اتىس قاراعاندىنىڭ وڭتۇستىك- شىعىسىندا تاتتىمبەت كوشەسىندە باستالعان.

«ۆاز 2114» اۆتوكولىگىندە بولعان شابۋىلداۋشىلار «BMW X6» كولىگىنە وق اتا باستاعان. سونداي- اق، كولىك تۇراعىنان جولعا شىققاندا، «ۆاز 2114» جۇرگىزۋشىسى ءوتىپ بارا جاتقان كولىكتى سوعىپ ءوتىپ، ءىزىن سۋىتپاقشى بولعان.

وسى ۋاقىتتا وق استىندا قالعان جول تالعامايتىن كولىك جۇرگىزۋشىسى كەرى بۇرىلىپ، شابۋىلداۋشىلاردى قۋا جونەلگەن.

تارتىپسىزدىكتەر كەزىندە قىلمىسكەرلەردى ۇستاۋعا تىرىسقان پوليتسيا قىزمەتكەرى جاراقات الدى. 27 جاستاعى كۇدىكتى ۇستالدى. قازىرگى ۋاقىتتا ول تەرگەۋگە الىندى.