گولوۆكين مەن كانەلوعا رەسمي تۇردە رينگكە شىعۋعا تىيىم سالىندى

استانا. قازاقپارات – 18-قىركۇيەكتە تاڭەرتەڭ لاس- ۆەگاستا گەننادي گولوۆكين (42-2-1، 37 ك و) مەن ساۋل «كانەلو» الۆارەس (58-2-2، 39 ك و) اراسىندا ءۇشىنشى جەكپە-جەك ءوتتى.

وندا ەكىنشى ورتا سالماقتاعى الەم چەمپيونىنىڭ بارلىق نەگىزگى تيتۋلدارى ساراپقا سالىندى، دەپ حابارلايدى قازاقپارات Sports.kz سايتىنا سىلتەمە جاساپ.

ايقاس 12 راۋند جالعاسىپ، تورەشىلەردىڭ ءبىراۋىزدان شەشىمىمەن الۆارەس جەڭىسكە جەتتى. بۇل گولوۆكيننىڭ مانسابىنداعى ەكىنشى جەڭىلىسى. بۇعان دەيىن ول 2018 -جىلى دا «كانەلودان» جەڭىلگەن بولاتىن.

نەۆادا شتاتىنىڭ اتلەتيكالىق كوميسسياسى (NSAC) ايقاستان كەيىن ەكى قارسىلاسقا دا شەكتەۋ قويىپ، بەلگىسىز ۋاقىتقا دەيىن رينگكە شىعۋعا تىيىم سالدى. بۇل شارا مەديتسينالىق سيپاتقا يە.

بۇعان دەيىن گولوۆكينگە مىندەتتى قارسىلاسپەن رەسمي ايقاس تاعايىنداعانى بەلگىلى بولدى.