گولوۆكيننىڭ جۇدىرىقتاساتىن مىندەتتى قارسىلاسى بەلگىلەندى

استانا. قازاقپارات - دۇنيەجۇزىلىك بوكس قاۋىمداستىعى (WBA) ءوزىنىڭ ورتا سالماقتاعى «سۋپەر چەمپيونى» گەننادي گولوۆكينگە (42-2-1، 37 ك و) مىندەتتى ۇمىتكەرمەن، وسى ساناتتاعى «قاراپايىم» بەلدىكتىڭ يەسى كۋبالىق ەريسلاندي لارامەن (29-3-3، 17 ك و) جەكپە- جەك تاعايىنداۋ تۋرالى قاۋلى شىعاردى، دەپ حابارلايدى قازاقپارات Sports.kz سايتىنا سىلتەمە جاساپ.

تاراپتارعا كەلىسسوزگە 30 كۇن بەرىلدى - 2022 -جىلدىڭ 23-قىركۇيەگىنەن 23-قازانىنا دەيىن. گولوۆكين - لارا جەكپە-جەگى ورتا ديۆيزيونداعى جالعىز WBA الەم چەمپيونىن انىقتايدى.

بۇعان دەيىن WBA گەننادييگە ەكىنشى ورتا سالماققا ءوتىپ، ساۋل «كانەلو» الۆارەسپەن وسى ساناتتاعى ابسوليۋتتى الەم چەمپيونى اتاعى ءۇشىن تالاسۋعا ارنايى رۇقسات بەرگەن بولاتىن. ءبىراق، ول ورتا سالماققا قايتا ورالىپ، لارامەن كەزدەسۋى ءتيىس دەگەن شارت قويدى.

GGG - «كانەلو» III جەكپە- جەگى 18-قىركۇيەكتە ءوتىپ، تورەشىلەردىڭ ءبىراۋىزدان شەشىمىمەن مەكسيكالىقتىڭ جەڭىسىمەن اياقتالدى.

ەگەر بەلگىلەنگەن مەرزىمدە گولوۆكين مەن لارا جەكپە-جەك تۋرالى كەلىسە الماسا، GGG پايداسىنا %75- دان %25- عا دەيىنگى اراقاتىناستا كىرىستەردى بولە وتىرىپ، پروموۋتەرلىك ساۋدا- ساتتىق تاعايىندالادى.