10:08, 24 - قىركۇيەك 2022 | GMT +6
قىرعىزستان مەملەكەتتىك ءتىل كۇنىن اتاپ ءوتتى
بىشكەك. قازاقپارات - كەشە قىرعىزستاندا مەملەكەتتىك ءتىل كۇنى اتاپ ءوتتى، دەپ حابارلايدى قازاقپارات مەنشىكتى ءتىلشىسى.
ەلدە مەملەكەتتىك ءتىل كۇنى جىل سايىن، 1989 -جىلى 23-قىركۇيەكتە قىرعىز ك س ر جوعارعى كەڭەسى «قىرعىز ك س ر مەملەكەتتىك ءتىلى تۋرالى» زاڭ قابىلداعاننان باستاپ اتاپ وتىلەدى. قىرعىزستاندا مەملەكەتتىك تىلمەن قاتار ورىس ءتىلى رەسمي ءتىل رەتىندە كەڭىنەن قولدانىلادى.
وسى قۇجاتقا سايكەس، ەلدە رەسپۋبليكادا تۇراتىن باسقا ۇلتتاردىڭ تىلدەرىن ەركىن دامىتۋ قامتاماسىز ەتىلەدى. قىرعىز رەسپۋبليكاسىنىڭ اۋماعىندا مەملەكەتتىك ءتىلدىڭ قولدانىلۋى باسقا تىلدەردى پايدالانۋعا كەدەرگى كەلتىرمەيدى.
قىرعىز تىلىندە قازىرگى ۋاقىتتا ەلدە 5 ميلليوننان استام ادام سويلەيدى.