رەسەيلىكتەر قازاقستاننان باسقا قاي ەلدەرگە كەتىپ جاتىر
بۇل تۋرالى ماسكەۋدەگى ءتىلشىمىز ءمالىم ەتتى، دەپ حابارلايدى «حابار 24».
وسى ورايدا فينليانديا بيلىگى رەسەيلىكتەردىڭ ەلگە كىرۋىن شەكتەۋگە نيەتتى. لاتۆيا وكىلدەرى كورشى ەل ازاماتتارى جارتىلاي موبيليزاتسيادان قاشسا، ءتىپتى گۋمانيتارلىق ۆيزانىڭ ءوزى بەرىلمەيتىنىن جەتكىزدى.
بۇدان بولەك ەستونيا، ليتۆا، پولشا، چەحيا دا رەسەيلىك بوسقىنداردى قابىلداۋعا قارسى شىعىپ وتىر.
ال ماسەلەن، گەرمانيا بيلىگى كەرىسىنشە، موبيليزاتسيادان قاشقان ازاماتتار ءۇشىن گۋمانيتارلىق ۆيزا بەرۋ كەرەك دەگەن پىكىر تانىتتى.
تايسيا مارمونتوۆا، الەۋمەتتىك جانە گۋمانيتارلىق عىلىمداردىڭ جوعارعى مەكتەبىنىڭ پروفەسسورى:
- ناقتى قانشا ادامنىڭ شەكارا اسىپ جاتقانىن ەسەپتەۋ قيىن. رەسمي دەرەكتەر بار. ءبىراق ولار وتكەن توقسانعا قاتىستى. ونىڭ ۇستىنە ۇلتتىق جانە مەملەكەتتىك قاۋىپسىزدىك ماقساتىندا شەكارا قىزمەتى بارلىق مالىمەتتى جاريا ەتە المايدى. بۇدان بولەك ەۋرازيالىق ەكونوميكالىق وداق بار. رەسەيلىكتەر وعان مۇشە ەلدەر اراسىندا شەتەلدىك ءتولقۇجاتسىز شەكارا اسسا، بۇل اقپارات كورسەتىلمەۋى دە مۇمكىن.
ال رەسەي بيلىگى ەلدەن كىمىڭ كەتۋىنە بولمايتىنى تۋرالى ناقتى تۇسىنىكتەمە بەرگەن جوق. دەسە دە كۋرسك وبلىسى جانە تاتارستان باسشىلىعى، اسكەري مىندەتتى ازاماتتارعا كوميسسارياتتىڭ رۇقساتىنسىز وڭىردەن كەتۋگە تىيىم سالدى.
جەرگىلىكتى زاڭعا سايكەس اسكەري تىركەۋدە تۇرعاندار موبيليزاتسيا تۋرالى جاريا ەتىلگەننەن كەيىن ارنايى رۇقساتسىز تۇرعىلىقتى جەرىنەن شىعا المايدى.