تۇرمەدە جازاسىن وتەپ ءجۇرىپ جۇمىس ىستەيتىندەر قانشا جالاقى الادى
«قىلمىستىق- اتقارۋ جۇيەسى مەكەمەلەرى اۋماعىندا 241 شاعىن جانە ورتا بيزنەس سۋبەكتىسى جۇمىس ىستەيدى. وندا 3 مىڭنان استام سوتتالعان جۇمىسقا ورنالاسقان. «ەڭبەك»، «ەڭبەك- وسكەمەن» ر م ك- دا جانە شاعىن، ورتا بيزنەس سۋبەكتىلەرىندە جۇمىسقا ورنالاسقان جازاسىن وتەۋشىلەرگە كەلىسىمدى ەڭبەكاقى تولەنەدى. جالاقى مولشەرى ورىندالعان جۇمىس كولەمىنە بايلانىستى. ماسەلەن، سوتتالىپ جۇمىس ىستەپ جاتقاندار 25 مىڭنان 80 مىڭ تەڭگەگە دەيىن ايلىق الادى. ال شارۋاشىلىق قىزمەتتە ەڭبەك ەتىپ جاتقان ازاماتتارعا 30 مىڭنان 75 مىڭ تەڭگەگە دەيىن جالاقى بەلگىلەنگەن»، - دەلىنگەن كوميتەت حابارلاماسىندا.
قولدانىستاعى زاڭناماعا سايكەس، سوتتالعان ادامنىڭ مىندەتتى قارىزىن وتەۋ سوماسى تابىسىنىڭ %50 نان اسپاۋى ءتيىس.
«ەگەر جالاقى 25 مىڭ تەڭگە بولسا، ونىڭ 12,5 مىڭ تەڭگەسى تالاپتى وتەۋگە كەتەدى. وسىلايشا جىلىنا بۇل سوما 150 مىڭ تەڭگەنى قۇرايدى. ارينە، جازاسىن وتەۋشىنىڭ قارىزى ءىرى كولەمدە بولسا، ونى تۇرمەدەگى جۇمىسپەن وتەي المايدى. جالپى سوتتالۋشىلاردىڭ دەنى جازاسىن وتەۋ كەزىندە جابىرلەنۋشى جانە مەملەكەت الدىنداعى قارىزىن وتەپ ۇلگەرەدى. قارىزدى تەز جابۋعا سوتتالۋشىلاردىڭ وزدەرى دە مۇددەلى. سەبەبى قارىزى جوق بولسا، مەرزىمىنەن بۇرىن بوستاندىققا شىعۋ مۇمكىندىگى بار»، - دەيدى ۆەدومستۆودان.