قاراعاندىدا قارۋلى توپتى ۇستاۋ كەزىندە پوليتسيا جاراقات الدى

None
قاراعاندى. قازاقپارات – 23- قىركۇيەك كۇنى ساعات 11.30 شاماسىندا قاراعاندى قالاسىندا بەلگىسىز بىرەۋلەر قارۋ قولدانىپ، جەرگىلىكتى تۇرعىننىڭ ومىرىنە قاساقانا قاستاندىق جاساعان، دەپ حابارلايدى قازاقپارات ءى ءى م الەۋمەتتىك جەلىدەگى پاراقشاسىنا سىلتەمە جاساپ.

قاسكويلەر وقيعا ورىنىنان اۆتوكولىكپەن ىزدەرىن جاسىرعان. كۇدىكتىلەردىڭ ءبىرى وزدەرىنىڭ ىزىنە تۇسكەن پوليتسيا قىزمەتكەرلەرىنە قارۋ قولدانىپ، قاشىپ كەتپەكشى بولعان. ونى ۇستاۋ بارىسىندا جەدەل ۋاكىلدىڭ ءبىرى جارالاندى.

اتالعان دەرەك پوليتسيادا تىركەلىپ، وقيعانىڭ ءمان-جايى انىقتالۋدا. قازىرگى ۋاقىتتا وقيعاعا قاتىسى بار وزگە دە تۇلعالاردى انىقتاۋ بويىنشا جەدەل ءىس-شارالار اتقارىلۋدا.

سوڭعى جاڭالىقتار