قىركۇيەكتىڭ سوڭىندا ءتورت ايماققا قار ءتۇسۋى مۇمكىن - قازگيدرومەت
23 قىركۇيەك 20:42

قىركۇيەكتىڭ سوڭىندا ءتورت ايماققا قار ءتۇسۋى مۇمكىن - قازگيدرومەت

استانا. قازاقپارات – 26 - قىركۇيەكتە تۇندە سولتۇستىك قازاقستان وبلىسىنىڭ سولتۇستىگىندە، باتىسىندا جاۋىن-شاشىن (جاڭبىردىڭ سوڭى قارعا ۇلاسادى)، بۇرشاق كۇتىلەدى، دەپ حابارلايدى قازاقپارات قازگيدرومەتكە سىلتەمە جاساپ.

ءوڭىردىڭ سولتۇستىك-باتىسىنان جەل سوعادى، كۇشى - 15-20 م/س. اۋا تەمپەراتۋراسى تۇندە 2-7 گرادۋس جىلى، كۇندىز 5-10 گرادۋسقا دەيىن كۇرت تومەندەپ، ودان ءارى سالقىندايدى.

«27 - قىركۇيەكتە قوستاناي وبلىسىندا جاۋىن-شاشىن، وبلىستىڭ سولتۇستىگىندە قاتتى جاۋىن-شاشىن (جاڭبىردىڭ سوڭى قارعا ۇلاسادى) بولادى. سولتۇستىك-باتىستان جەل سوعادى، وبلىستىڭ وڭتۇستىگىندە، شىعىسىندا ەكپىنى - 15-20 م/س. اۋا تەمپەراتۋراسى تۇندە جانە كۇندىز 3-8 گرادۋسقا دەيىن كۇرت تومەندەپ، ودان ءارى سالقىندايدى»، - دەپ جازدى ۆەدومستۆو.

28 - قىركۇيەكتە اقمولا وبلىسىنىڭ سولتۇستىگىندە، شىعىسىندا، پاۆلودار وبلىسىنىڭ باسىم بولىگىندە جاۋىن-شاشىن (جاڭبىردىڭ سوڭى قارعا ۇلاسادى) كۇتىلەدى. اۋا تەمپەراتۋراسى تۇندە 0-5 گرادۋس جىلى، وبلىستىڭ سولتۇستىگىندە 5 گرادۋس سۋىق، كۇندىز 3-8 گرادۋسقا دەيىن كۇرت تومەندەپ، ودان ءارى سالقىندايدى.

سينوپتيكتەر وسى كۇنى قاراعاندى وبلىسىندا جاۋىن-شاشىن، سولتۇستىگىندە، شىعىسىندا قاتتى جاۋىن-شاشىن (جاڭبىردىڭ سوڭى قارعا ۇلاسادى) كۇتىلەدى دەپ وتىر. سولتۇستىك-شىعىستان جەل سوعادى، وبلىستىڭ شىعىس جارتىسىندا ەكپىنى - 15-20 م/س. اۋا تەمپەراتۋراسى تۇندە 2-7 گرادۋس جىلى، وبلىستىڭ سولتۇستىگىندە 3 گرادۋس سۋىق، كۇندىز 5-10 گرادۋسقا دەيىن تومەندەپ، ودان ءارى سالقىندايدى.

جاڭالىقتار