رەسەيلىكتەر قازاقستانمەن شەكاراداعى جاعدايدى ايتتى
اليمبەت ەسىمدى رەسەي ازاماتىنىڭ ايتۋىنشا، شەكارادان ءوتۋ پروتسەسى ەكى ساعاتقا سوزىلعان.
«جىلدام بولدى، شىمكەنتتەگى تۋىستارىمىزعا بارا جاتىرمىز»، - دەيدى اليمبەت.
«قازىر تۋىستارىمىزعا بارامىز، كوپتەن بەرى شاقىرىپ جۇرگەن. مىنا تۇسىنىكسىز جاعداي كەزىندە ءبىر اپتاعا دەمالىسقا شىعۋدى ۇيعاردىق. ءبىزدى كۇتىپ وتىر»، - دەدى تاعى ءبىر ەر ادام.
رەسەيلىك ايەل ناتاليا دا قازاقستانعا وتباسىمەن ەكاتەرينبۋرگتەن كەلگەنىن ايتتى.
«مەن مەدبيكەمىن جانە اسكەري قىزمەتكە مىندەتتى اداممىن. قازاقستانعا 21- قىركۇيەكتە كەلىپ، قوستانايعا تۇراقتادىق. قازاقستاندا جالدامالى پاتەردە تۇردىق. ءبىر اپتاعا جۋىق وسىندا بولۋدى جوسپارلاپ وتىرمىز. ازياعا بيلەت ساتىپ الىپ جاتىرمىز. بولاشاقتا تايلاندقا ۇشۋدى جوسپارلاپ وتىرمىز. ونسىز دا قازاقستان ارقىلى ۇشقىمىز كەلگەن، ءبىراق قاراشانىڭ اياعىندا، ءبىراق قازىرگى جاعدايعا بايلانىستى ەرتە كەلۋدى ءجون كوردىك»، - دەدى ناتاليا.
ايەلدىڭ ايتۋىنشا، ونىڭ ءتولقۇجاتىندا اسكەري مىندەتتى دەگەن بەلگى بار، ءبىراق شەكارادان وتۋدە ەش قيىندىق بولماعان.
تاعى ءبىر رەسەيلىك ساراتوۆتان ورالعا بارا جاتقان جولدا 13 ساعات بويى قازاقستانعا كىرەتىن پۋنكتتە بولعانىن ايتقان.
ەسكە سالايىق، 21- قىركۇيەكتە رەسەيدە ءىشىنارا موبيليزاتسيا جاريالانعان بولاتىن.