مينيسترلىك «ءوزىن- ءوزى تانۋ» ءپانىن رەسمي تۇردە الىپ تاستاۋدى ۇسىندى
23 قىركۇيەك 15:02

مينيسترلىك «ءوزىن- ءوزى تانۋ» ءپانىن رەسمي تۇردە الىپ تاستاۋدى ۇسىندى

استانا. قازاقپارات - وقۋ- اعارتۋ مينيسترلىگى «ءوزىن-ءوزى تانۋ ادامگەرشىلىك- رۋحاني ءبىلىم بەرۋ باعدارلاماسىنىڭ كۇشىن جويۋ تۋرالى» بۇيرىقتى اشىق تالقىعا شىعاردى، دەپ حابارلايدى قازاقپارات ءتىلشىسى.

«ءوزىن- ءوزى تانۋ ادامگەرشىلىك- رۋحاني ءبىلىم بەرۋ باعدارلاماسىن بەكىتۋ تۋرالى تۋرالى» ق ر ءبىلىم جانە عىلىم ءمينيسترىنىڭ 2018 -جىلعى 29-قىركۇيەكتەگى № 522-بۇيرىعىنىڭ كۇشى جويىلدى دەپ تانىلسىن. وسى بۇيرىق ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وقۋ- اعارتۋ مينيسترلىگىنىڭ زاڭ دەپارتامەنتى كوزدەلگەن ءىس- شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن»، - دەلىنگەن قۇجاتتا .

ۇسىنىلىپ وتىرعان بۇيرىقتى تالقىلاۋ 5-قازانعا دەيىن جالعاسادى.

ايتا كەتسەك، بۇل ۋاقىتقا دەيىن مينيستر اسحات ايماعامبەتوۆ «ءوزىن-ءوزى تانۋ» ءپانىنىڭ مۇعالىمدەرى الەۋمەتتىك پەداگوگ رەتىندە جۇمىسىن جالعاستىرا بەرەتىنىن مالىمدەپ ەدى.

جاڭالىقتار