ديماش قۇدايبەرگەننىڭ كونسەرتى: الماتى پوليتسياسى كۇشەيتىلگەن رەجيمدە جۇمىس ىستەيدى
23 قىركۇيەك 13:43

ديماش قۇدايبەرگەننىڭ كونسەرتى: الماتى پوليتسياسى كۇشەيتىلگەن رەجيمدە جۇمىس ىستەيدى

الماتى. قازاقپارات - الماتى پوليتسياسى ديماش قۇدايبەرگەننىڭ بۇگىنگى كونتسەرتىنە بايلانىستى ۇندەۋ جاسادى، دەپ حابارلايدى قازاقپارات ءتىلشىسى.

الماتى پوليتسياسى كونسەرت كەزىندە قوعامدىق ءتارتىپ پەن جول قاۋىپسىزدىگىن قامتاماسىز ەتۋگە پوليتسيا دەپارتامەنتىنىڭ قىزمەتتەرى مەن بولىمشەلەرىنىڭ 2,5 مىڭنان استام ءتارتىپ ساقشىسى جۇمىلدىرىلاتىنىن ءمالىم ەتتى.

«بۇل تەك قازاقستان ءۇشىن عانا ەمەس، حالىقارالىق ارەناداعى ايتۋلى وقيعا، سوندىقتان ونى دۇربەلەڭسىز، بەيبەرەكەتسىز جانە ەشقانداي قۇقىق بۇزۋشىلىقتارسىز ءوز دەڭگەيىندە وتكىزۋ وتە ماڭىزدى. پوليتسيا قىزمەتكەرلەرى كونتسەرت وتەتىن ورىن مەن وعان جاقىن اۋماقتا قوعامدىق ءتارتىپتى قامتاماسىز ەتەدى»، - دەدى الماتى قالالىق پ د باستىعى ارىستانعاني زاپپاروۆ.

سونىمەن قاتار، ول اباي داڭعىلى مەن ساتبايەۆ كوشەسىنىڭ بويىنا كولىكتەردى قويۋعا تىيىم سالىنعانىن ەسكەرتتى.

«وسىعان بايلانىستى قوناقتاردى كولىكتەرىن الدىن الا تۇراققا قويۋعا، قوسالقى كوشەلەردى پايدالانۋعا جانە كەپتەلىستەردى بولدىرماۋ ءۇشىن قوزعالىس باعىتىن الدىن الا رەتتەۋگە شاقىرامىز. كونسەرت كەزىندە ءوزىن- ءوزى ۇستاۋ مادەنيەتىنە، الكوگولدى ىشىمدىكتەردى پايدالانباۋعا ەرەكشە نازار اۋدارامىز. اعا بۋىن جانكۇيەرلەر مەن بالالارى بار ايەلدەرگە قۇرمەت كورسەتۋگە شاقىرامىن»، - دەدى ارىستانعاني زاپپاروۆ.

ەسكە سالايىق، بۇگىن ديماش قۇدايبەرگەننىڭ قازاقستانداعى ەڭ ۇلكەن جانە اتى اڭىزعا اينالعان سپورت عيماراتتارىنىڭ ءبىرى - ورتالىق ستاديوندا جەكە كونسەرتى وتەدى.

اۆتور

الما مۇقانوۆا

جاڭالىقتار