شىمكەنتتە تۇماۋمەن اۋىرعاندار كوبەيىپ تۇر
جىل باسىنان بەرى شىمكەنت قالاسىندا جەدەل رەسپيراتورلى ۆيرۋستى ينفەكسيالاردىڭ 22046 جاعدايى تىركەلدى. بۇل كورسەتكىشتى وتكەن جىلدىڭ سايكەس كەزەڭىمەن سالىستىرعاندا اۋرۋشاڭدىق 1,7 ەسەگە جوعارىلاعانىن كورۋگە بولادى. ناۋقاستانۋشىلاردىڭ 77,9 پايىزىن 14 جاسقا دەيىنگى بالالار قۇراپ وتىر.
«اۋرۋشاڭدىقتىڭ الدىن الۋ بارىسىندا جەرگىلىكتى بيۋدجەت قاراجاتى ەسەبىنەن 134580 دوزا گريپپول ۆاكتسيناسى قويماعا جەتكىزىلدى. ول تۇرعىنداردىڭ 12,6 پايىزىن تۇماۋعا قارسى ەگۋمەن قامتۋعا جەتكىلىكتى. جەرگىلىكتى بيۋدجەت قاراجاتىنان ساتىپ الىنعان ۆاكسينا قاتەرلى توپقا جاتاتىن ازاماتتارعا جۇرگىزىلەدى. ال، جۇمىس بەرۋشىنىڭ ەسەبىنەن «ينتەرتيچ» مەديتسينا ورتالىعىندا، اقىلى تۇردە «ورىنبايەۆ» مەديتسينا ورتالىعىندا ەگۋ جۇمىستارىن جۇرگىزۋ جوسپارلانىپ وتىر»، - دەيدى شىمكەنت قالاسى سانيتاريالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان اقپاراتتا.