يممۋنيتەتىڭىزدى تومەندەتەتىن نە؟
23 قىركۇيەك 09:21

يممۋنيتەتىڭىزدى تومەندەتەتىن نە؟

استانا. قازاقپارات -كەيدە ءتۇرلى دارۋمەندەردى جانە دارۋمەنگە باي تاعامداردى جەپ جۇرسەڭىز دە، يممۋنيتەتىڭىز ناشارلاپ كەتۋى ابدەن مۇمكىن.

نەگە دەپ ءبىر ءسات ويلانىپ كوردىڭىز بە؟ ەندەشە، ءوزىڭىزدىڭ كەيبىر ادەتتەرىڭىزگە ءمان بەرىڭىز.

1. ۇيقىڭىز قانباسا: ءسىز ۇيىقتاپ جاتقان كەزدە يممۋندىق جۇيەڭىزدىڭ باكتەريا مەن ۆيرۋستارعا قارسى كۇرەس جولىن ۇيرەتۋشى بولىگى ىسكە قوسىلادى. ەگەر ۇيقىڭىز قانباسا، بۇل جۇيە جۇمىس جاساۋىن توقتاتادى نە دۇرىس ىسكە اسپايدى. يممۋندىق جۇيەڭىز قالىپتى جۇمىس جاساسىن دەسەڭىز، تاۋلىگىنە 7-8 ساعاتتان كەم ۇيىقتاماڭىز.

2. وتىرىپ جۇمىس جاسايتىن بولساڭىز: فيزيكالىق بەلسەندىلىك ازدىعى يممۋنيتەتىڭىزدى تومەندەتەدى. اسرەسە، كۇنى بويى وتىرىپ قىزمەت ەتەتىن قىزمەتكەرلەردىڭ يممۋندىق جۇيەسى ءالسىز. سپورتپەن شۇعىلدانبايتىن ادامدار سپورتپەن اينالىساتىندارعا قاراعاندا %42 ۇزاق اۋىرادى. كۇنىنە بىرنەشە جاتتىعۋ جاساۋدى ادەتكە اينالدىرىڭىز.

3. جالعىزدىق: ءسىز ۋاقىتىڭىزدى جالعىزدىقتا ۇزاق وتكىزسەڭىز، ءسىزدىڭ دەنەڭىزدەگى نورادرەنالين گورمونىنىڭ مولشەرى كوبەيەدى. ەگەر نورادرەناليننىڭ مولشەرى شەكتەن تىس كوبەيسە ول يممۋندىق جۇيەڭىزدىڭ كەي بولىگىنە زيانىن تيگىزەدى.

4. كۇيزەلىس: ەگەر كۇيزەلىسكە ءتۇسىپ، ودان شىعا الماي جۇرسەڭىز، مىنانى ەسكەرىڭىز: ءسىزدىڭ يممۋندىق جۇيەڭىز سىزبەن بىرگە السىرەيدى. كۇيزەلىس كەزىندە ادامداردىڭ اۋرۋ جۇقتىرىپ الۋ مۇمكىندىگى ارتادى.

5. مايلى تاعامدار: كۇندەلىكتى اس مازىرىڭىزدەن مايلى تاعامداردى الىپ تاستاعانىڭىز ءجون. ول ءسىزدىڭ يممۋنيتەتىڭىزدى تومەندەتىپ، اۋرۋ تۋدىرادى.

6. ىشىمدىكتەر: ىشىمدىكتى ءجيى قولدانۋ اق قان تۇيىرشىكتەرىنىڭ تيىمدىلىگىن تومەندەتىپ، ۆيرۋس جانە باكتەريالارمەن كۇرەسۋىنە كەرى اسەرىن تيگىزەدى.

7. جاقىندارىڭىزدىڭ ءالسىز يممۋنيتەتى: ادامدار ۇزاق ۋاقىت بىرگە تۇرسا، وندا ولاردىڭ يممۋندىق جۇيەسى دە بىردەي دارەجەدە بولادى. مۇنى ۇيدە بىرگە جاسايتىن ادەتتەرىڭىزبەن بايلانىستىرۋعا بولادى. مىسالى: تاماق ءىشۋ، كيىنۋ مەن ءوزىن- ءوزى كۇتۋ. ەگەر جاقىندارىڭىزدىڭ يممۋنيتەتى تومەن ەكەنىن اڭعارساڭىز، كۇندەلىكتى ادەتىڭىزگە نازار اۋدارعانىڭىز دۇرىس.

8. انتيبيوتيكتەر: انتيبيوتيكتەردى تەك كەرەك جاعدايدا عانا قولدانعان ءجون. ولار ءسىزدىڭ يممۋندىق جۇيەڭىز بەن باكتەريالار اراسىنداعى بايلانىستى بۇزادى. سول سەبەپتەن انتيبيوتيكتەر اۋرۋمەن كۇرەسۋدە جىلدام ناتيجە بەرەدى. ءبىراق، انتيبيوتيكتى قولدانعاننان كەيىنگى ءسىزدىڭ يممۋندىق جۇيەڭىز السىرەيتىنىن ەستەن شىعارماڭىز. ءوز دەنساۋلىعىڭىزدى كۇتىڭىز!

Massaget.kz

جاڭالىقتار